Չաւուշօղլու Արդէն «Բարի Ճանապարհ» Կը Մաղթէ Գերմանացիներուն

0519cavus

 

0519cavus

ՊՈԼԻՍ, «Մարմարա».- Ինճիրլիքի ռազմախարիսխի հարցով Թուրքիոյ եւ Գերմանիոյ միջեւ դիւանագիտական տագնապը հասած է իր գագաթնակէտին։ Այս հարցով առաջին սեպը խրուած էր 2016ի Յունիսին, երբ Գերմանիոյ խորհրդարանը յատուկ բանաձեւով մը ճանչցած էր Հայոց Ցեղասպանութիւնը եւ այդ օրերու Գերմանական կայսրութեան մեղսակցութիւնը։ Այդ բանաձեւին վաւերացումէն հազիւ քանի մը ամիս ետք, Թուրքիա արգիլեց գերմանացի երեսփոխաններուն՝ այցելել Ինճիրլիքի մէջ տեղակայուած գերմանական զօրամասի զինուորներուն։ Մինչ բանակցութիւններու եւ միջամտութիւններու շնորհիւ ի վերջոյ այդ այցելութիւնը իրականացաւ եւ յարաբերութիւնները վերականգնելու ուղղութեամբ ջանքերը շարունակուեցան, այս անգամ՝ Յուլիս 15ի զինուորական հարուածն էր, որ կրկին սրեց իրավիճակը։ Զինուորական ձախող այս հարուածէն ետք, մեծաթիւ թուրք սպաներ եւ զինուորականներ քաղաքական ապաստանի իրաւունք խնդրեցին Գերմանիայէն, իսկ Գերմանիոյ գաղթականներու վարչութիւնը ընդունեց անոնց դիմումները։

Այս զարգացումէն ետք, Թուրքիա կարծրացուց իր դիրքորոշումը՝ դարձեալ վերոնշեալ այցելութեան արտօնութիւն չտալով գերմանական կողմին, ինչպէս նաեւ՝ յաւելեալ սահմանափակումներ պարտադրելով։

Անհաճոյ այս զարգացումներէն մեկնելով, Գերմանիոյ վարչապետը, արտաքին գործոց նախարարն ու կառավարութեան բանբերը անջատ յայտարարութիւններով փոխանցեցին գերմանական կողմի մտահոգութիւնները՝ շեշտելով, որ այս պայմաններուն տակ Գերմանիա այլընտրանքային տարբերակ պիտի փնտռէ Ինճիրլիքին, Անգարայի կեցուածքը «անընդունելի» որակելով։

Թուրքիա, սակայն, չուշացաւ փոխադարձելու. արդարեւ, արտաքին գործոց նախարար Մեւլուտ Չաւուշօղլու յայտարարեց, թէ Թուրքիա պիտի չխնդրէ, որ գերմանացիները մնան, եւ եթէ անոնք անպայման կ՛ուզեն հեռանալ, ապա՝ թող երթան, եւ Թուրքիոյ կը մնայ՝ «բարի ճանապարհ» մաղթել անոնց։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top