Թուրքիա Կը Պահանջէ Պաշտօնազրկել Ամերիկացի Յանձնակատարը

0520McGurk

0520McGurk

ՊՈԼԻՍ.- Խաղաղ ցուցարարներու դէմ բռնարարքները Միացեալ Նահանգներ արտածելու փորձին կողքին, Անգարա կը փորձէ նաեւ պետական պաշտօնատարներ կամայականօրէն գործէ արձակելու սովորութիւնը Ուաշինկթըն հասցնել։

Արդարեւ, Թուրքիա կը պահանջէ պաշտօնազրկել «Իսլամական պետութիւն» ահաբեկչական կազմակերպութեան դէմ պայքարի միջազգային դաշինքին գծով Միացեալ Նահանգներու կառավարութեան ներկայացուցիչ Պրեթ ՄըքԿըրքը, որովհետեւ, ըստ Անգարայի՝ ան կապեր ունի Թուրքիոյ մէջ արգիլուած եւ ահաբեկչական նկատուող Քիւրտիստանի բանուորական կուսակցութեան հետ:

Թրքական «Էվրենսել» թերթը կը հաղորդէ, որ ՄըքԿըրք Չորեքշաբթի, Մայիս 17ին հանդիպում մը ունեցած է Սուրիոյ տարածքին գործող քրտական «Ժողովուրդի պաշտպանութեան ջոկատներ»ու ղեկավարութեան հետ: Նշեալ ջոկատները Ուաշինկթընի ամենավստահելի գործակիցները կը նկատուին Սուրիոյ մէջ, սակայն Թուրքիա զանոնք կը համարէ Քիւրտիստանի բանուորական կուսակցութեան սուրիական թեւը։

«Այդ մարդը ակնյայտօրէն կ՛աջակցի Քիւրտիստանի բանուորական կուսակցութեան եւ Ժողովուրդի պաշտպանութեան ջոկատներու ահաբեկիչներուն։ Լաւ պիտի ըլլար զայն փոխարինել», յանձնարարած է Թուրքիոյ արտաքին գործոց նախարար Մեւլութ Չաւուշօղլու:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top