Հայ Դատը Կը Շնորհաւորէ Լոս Անճելըսի Մէջ Յաղթանակներ Արձանագրած Պաշտօնատարները

0520Monica
0520Monica

Մոնիքա Ռոտրիկեզ, Կարօ Թորոսեան, Կիլ Սետիօ, Նիք Մելվոյն, Իմելտա Փըտիա, Սթիւ Զիմըր եւ Քելի Կոնեզ

ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի յանձնախումբը Մայիս 19ին կատարուած յայտարարութեամբ մը շնորհաւորեց Մայիս 16ին Լոս Անճելըսի մէջ կայացած ընտրութիւններուն նախնական արդիւնքներով՝ Կիլ Սետիոյի, Մոնիքա Ռոտրիկեզի, Նիք Մելվոյնի եւ Քելի Կոնեզի արձանագրած յաղթանակները, միաժամանակ դրուատելով Կարօ Թորոսեանի, Սթիւ Զիմըրի եւ Իմելտա Փըտիայի տարած ընտրապայքարները։

Հայ Դատը նաեւ ողջունեց հայ համայնքի աննախընթաց թիւով մասնակցութիւնը այս ընտրութիւններուն։

«Մինչ կը նախընտրէինք տարբեր արդիւնքներու հասնիլ, որպէսզի պատասխանատու դիրքերու վրայ ըլլային հայութեան աւելի մօտիկ թեկնածուներ, միշտ պատրաստ ենք գործակցելու բոլոր այն պաշտօնատարներուն հետ, որոնք կը պաշտպանեն մեր համայնքին եւ Հայ Դատի շահերը», այս առթիւ յայտնեց Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան:

Նշենք, որ քաղաքապետութեան 2րդ ընտրատարածքի ընտրութիւններուն, Կարօ Թորոսեան միայն 833 քուէներու տարբերութեամբ չկրցաւ դառնալ Լոս Անճելըսի քաղաքապետական խորհուրդի անդամ՝ տեղի տալով անձնական դպրոցներու ջատագովներուն աջակցութիւնը վայելող Ռոտրիկեզին, որ միլիոնաւոր տոլարներու օժանդակութիւն ստացած էր իր ընտրապայքարին ընթացքին։

Սետիօ յաղթական դուրս եկաւ քաղաքապետութեան առաջին ընտրատարածքի ընտրութիւններէն։

Լոս Անճելըսի միացեալ կրթաշրջանի վարչութեան ընտրութիւններուն, դարձեա՛լ անձնական դպրոցներու ջատագովներուն աջակցութիւնը վայելող թեկնածուները՝ Մելվոյն եւ Կոնեզ, պարտութեան մատնեցին վարչութեան ներկայ ատենապետ Զիմըրն ու Փըտիան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top