Լոնտոնի Ահաբեկչական Արարքին Առնչակից 12 Անձեր Ձերբակալուեցան

ԼՈՆՏՈՆ, «Պի.Պի.Սի.».- Լոնտոնի մէջ, Յունիս 3ի գիշերը, 7 զոհ եւ 48 վիրաւոր պատճառած ահաբեկչական արարքէն ետք, բրիտանական ոստիկանութիւնը արեւելեան Լոնտոնի մէջ, արարքին մասնակից երեք անձերէն մէկուն պատկանող յարկաբաժինը ներխուժելով՝ ձերբակալած է դէպքին առնչակից 12 անձեր: Նշենք, որ երեք ահաբեկիչները սպաննուած էին ոստիկանութեան կողմէ։ Ոստիկանութիւնը Յունիս 5ին բացայայտեց երեք յարձակողներէն երկուքին ինքնութիւնը՝ 27ամեայ Խուրամ Պաթ եւ 30ամեայ Ռեշիտ Ռատունէ։ Առաջինը Փաքիստան ծնած ու Բրիտանիոյ քաղաքացի էր, իսկ երկրորդը Մարոքի եւ Լիպիոյ քաղաքցի էր եւ Լոնտոն հաստատուած էր։ Անոնք ինքնաշարժ մը քշած էին անցորդներու վրայ եւ մօտակայ շուկային մէջ անցորդներ դանակահարած էին: Այս յարձակումը վերջին 3 ամսուան ընթացքին Բրիտանիոյ մէջ արձանագրուած 3րդ ահաբեկչական արարքն էր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top