Փենթակոնը Կ՛ուսումնասիրէ Պաղտատիի Հաւանական Սպանութեան Մասին Տեղեկութիւնը

0617baghdadi

0617baghdadi

Միացեալ Նահանգներու ռազմական գերատեսչութիւնը՝ Փենթակոնը, ներկայիս կ՛ուսումնասիրէ Սուրիոյ Ռաքքա քաղաքի մօտակայքը ռուսական օդուժի մէկ հարուածին իբրեւ հետեւանք՝ «Իսլամական պետութիւն» ահաբեկչական կազմակերպութեան ղեկավար Ապու Պաքր Պաղտատիի հաւանական սպանութեան մասին տեղեկութիւնը: Այս մասին յայտնեց «CNN Arabic» պատկերասփիւռի կայանը՝ վկայակոչելով Փենթակոնի ներկայացուցիչին յայտարարութիւնը:

«Ռուսիան, Մայիս 28ին, օդային հարուած մը իրականացուցած է Ռաքքայի մօտերը, եւ այժմ մենք կ՛ուսումնասիրենք այդ տեղեկութիւնը՝ տուեալները հաստատելու համար», ըսած է Փենթակոնի ներկայացուցիչը:

Նախապէս հաղորդուած էր, թէ Ռուսիոյ պաշտպանութեան նախարարութիւնը յայտարարած է «Իսլամական պետութեան» առաջնորդին հաւանական սպանութեան մասին՝ պնդելով, որ «Իսլամական պետութիւն» ահաբեկչական խմբաւորման առաջնորդ Պաղտատին, ըստ նախնական տուեալներու, սպաննուած է Սուրիոյ մէջ, ռուսական օդային հարուածի իբրեւ հետեւանքով:

«Սու-35» եւ «Սու-34» ինքնաթիռներու կողմէ վերոնշեալ հարուածները կատարուած են Մայիսի վերջաւորութեան, Ռաքքայի հարաւային արուարձաններէն մէկուն մէջ, ուր տեղի կ՛ունենար «Իսլամական պետութեան» առաջնորդներու խորհրդակցութիւն:

«Ըստ զանազան ալիքներով ստուգուող տեղեկութիւններուն՝ այդ խորհրդակցութեան ներկայ եղած է նաեւ «Իսլամական պետութեան» առաջնորդ Իպրահիմ Ապու Պաքր Պաղտատին, որ հարուածին իբրեւ հետեւանք՝ սպաննուած է», նախապէս յայտարարած էին ռուս զինուորականներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top