Վիրահայ Երիտասարդը Դարձաւ ՄԱԿի Մօտ Վրաստանի Երիտասարդութեան Ներկայացուցիչ

0000MAG

0000MAG

ԹԻՖԼԻՍ, «Ախալցխա.նեթ».- Վրաստանի մարմնակրթութեան եւ երիտասարդութեան հարցերով նախարարութեան «ՄԱԿի մէջ Վրաստանի երիտաասարդութեան ներկայացուցիչը» ծրագիրին յաղթող ճանչցուած է թիֆլիսահայ Գիորգի Տումասեանը:

21 մասնակիցներ անցած էին երեք նախընտրական փուլէ: Երրորդ փուլ անցած մասնակիցները յանձնաժողովին առջեւ ներկայացուցած են հանրային ելոյթ՝ «Challenges facing youth on national and international level — similarities and differences» թեմայով: Յաղթողը ընտրուած է միաւորները ամփոփելէ ետք:

Վրաստանի մարմնակրթութեան եւ երիտասարդութեան հարցերով նախարարութիւնը՝ արտաքին գործոց նախարարութեան աջակցութեամբ՝ արդէն քանի մը տարի է վեր յաջողութեամբ կ՛իրականացնէ «ՄԱԿի մէջ Վրաստանի երիտասարդութեան ներկայացուցիչը» ծրագիրը:

Երիտասարդութեան ներկայացուցիչներու ծրագիրը կը համարուի Միացեալ Ազգերու Կազմակերպութեան յաջող նախաձեռնութիւններէն մէկը: ՄԱԿի գլխաւոր վեհաժողովը 1981ին, առաջին անգամ ըլլալով կոչ ըրած էր անդամ երկիրներուն, երիտասարդ պատուիրակներ ընդգրկելու երկրի պաշտօնական պատուիրակութիւններու կազմին մէջ:

Ընտրուած մասնակիցը երիտասարդներու հետ կ՛իրականացնէ խորհրդատուութիւններ եւ հանդիպումներ:

Երիտասարդութեան ներկայացուցիչը շուտով պիտի մեկնի ՄԱԿի գլխաւոր գրասենեակ (Նիւ Եորք), ուր, իբրեւ Վրաստանի պատուիրակութեան լիիրաւ անդամ, պիտի մասնակցի Գերագոյն վեհաժողովի երրորդ կոմիտէի ձեռնարկին եւ կոմիտէի լսումներուն, ելոյթ պիտի ունենայ նոյն կոմիտէի նիստին եւ մասնակցի երիտասարդութեան մասին որոշումներու մշակման:  Գիորգի Տումասեան կրնայ մասնակցիլ նաեւ տնտեսական եւ հասարակական խորհուրդի հասարակական զարգացման յանձնաժողովի նիստերուն:

2012-2016 տարիներուն, ՄԱԿի մօտ Վրաստանի երիտասարդութեան ներկայացուցիչներն էին՝ Գիորգի Ճեխանի, Թորնիկէ Զուրապիշվիլի, Լաշա Շաղուլաշվիլի, Մարիամ Սիխարուլիձէ եւ Թաթիա Տոլիձէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top