Ստեփանակերտի Մէջ Կը Գումարուի Հայկական Կուսակցութիւններու Երրորդ Համաժողովը

0617artsakhforum

 

0617artsakhforum

 

ՍՏԵՓԱՆԱԿԵՐՏ, «Նիուզ».- Ուրբաթ, 16 Յունիսին, Արցախի Հանրապետութեան Ազգային ժողովի սրահին մէջ տեղի ունեցաւ Հայկական կուսակցութիւններու 3րդ համաժողովի պաշտօնական բացման արարողութիւնը, որուն մասնակցեցան Հայաստանի Հանրապետութեան Ազգային ժողովին մէջ ներկայացուած դաշինքներու եւ կուսակցութիւններու ներկայացուցիչները եւ արտախորհրդարանական քաղաքական ուժերը, ինչպէս նաեւ Արցախի Հանրապետութեան խորհրդարանական ու արտախորհրդարանական քաղաքական ուժերը:

Համաժողովի պաշտօնական բացման ներկայ եղաւ Արցախի Հանրապետութեան նախագահ Բակօ Սահակեան, Հայաստանի Ազգային ժողովի նախագահ Արա Բաբլոյեան եւ Արցախի թեմի առաջնորդ Պարգեւ արք. Մարտիրոսեան:

Հայաստանի Ազգային ժողովի Արտաքին յարաբերութիւններու մշտական յանձնաժողովի նախագահ Արմէն Աշոտեան, համաժողովի մասնակիցներուն ներկայացուց նախագահ Սերժ Սարգսեանի ողջոյնի ուղերձը:

«Անհրաժեշտ է մեր քաղաքական մշակոյթի մէջ խարսխուել հետեւեալ սկզբունքով. քաղաքական դաշտում տիրող բազմակարծութիւնը բնաւ խոչընդոտ չէ մեր առջեւ ծառացող բարդ խնդիրների շուրջ քննարկումներ ծաւալելու եւ լուծումներ գտնելու համար: Կարեւորում եմ այն հանգամանքը, որ այս անգամ, որպէս միջոցառման համակազմակերպիչ՝ հանդէս է գալիս նաեւ Արցախի Հանրապետութեան Ազգային ժողովը: Վստահ եմ, որ այս ձեւաչափը կարող է կարեւոր դեր կատարել հայկական քաղաքական մշակոյթի զարգացման գործում», ըսած է նախագահ Սարգսեան իր ուղերձին մէջ:

Արցախի Հանրապետութեան նախագահ Բակօ Սահակեան, ողջունելով մասնակիցները՝ ընդգծեց նման քաղաքական համաժողովներու կարեւորութիւնը՝ երկու հայկական պետութիւններու քաղաքական շրջանակներուն միջեւ:

«Քաղաքական ուժերը այդպիսի միասնականութեամբ են հանդէս գալիս յատկապէս Արցախի ներկայի եւ ապագայի հետ կապուած հարցերում: Այն, որ Արցախի Հանրապետութիւնը պէտք է լինի հզօր, ժողովրդավարակա՛ն պետութիւն, որը միշտ ի վիճակի կը լինի ապահովել իր անվտանգութիւնը, համոզուած եմ՝ հիմնարար սկզբունք է հայկական բոլոր քաղաքական ուժերի համար», ըսելով՝ իր խօսքը եզրափակեց նախագահ Սահակեան:

Համաժողովի աշխատանքներուն Հայաստանէն կը մասնակցին 14 կուսակցութեանց, իսկ Արցախէն՝ 6 կուսակցութեանց ներկայացուցիչներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top