«Գազպրոմ»ը Երեւանի Մէջ Մարզական Համալիր Կը Կառուցէ

0617gasprom1

 

0617gasprom1

 

ԵՐԵՒԱՆ.- Վարչապետ Կարէն Կարապետեան եւ Հայաստան ժամանած «Գազպրոմ» ընկերութեան վարչութեան նախագահ Ալեքսէյ Միլլեր Ուրբաթ, 16 Յունիսին այցելեցին Երեւանի Աւան վարչական շրջանի Ծարաւ Աղբիւր փողոցին վրայ կառուցուող ուսումնամարզական համալիրի շինարարական հրապարակը:

Վարաչպետը եւ «Գազպրոմ»ի նախագահը ծանօթացան շինարարական աշխատանքներու ընթացքին:

Համալիրը կը կառուցուի ժամանակակից արհեստագիտութեան միջոցներով: Համալիրէն ներս պիտի գործեն մանկապարտէզ, դպրոց, լողաւազան, սահադաշտ, ֆութպոլի դաշտ, ինչպէս նաեւ մարզասրահներ եւ պարասրահ:

Ուսումնամարզական համալիրը կրնայ ընդունիլ օրական շուրջ 2000 մարդ: Արդէն իսկ կատարուած են փակ սահադաշտի, մարզաառողջարարական համալիրի, դպրոցի եւ մանկապարտէզի կառուցման աշխատանքները:

Նախագիծի շինարարութիւնը ամբողջութեամբ կ՛իրականացուի «Գազպրոմ» ընկերութեան կողմէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top