Ատրպէյճանի Վարձած Ամերիկեան Լոպիիստական Ընկերութեան Տպաւորիչ Նուաճումներու Ցանկը

ՅԱՐՈՒԹ ՍԱՍՈՒՆԵԱՆ

 

Harout-SassounianՔանի մը շաբաթ առաջ գրած էի Միացեալ Նահանգներու մէջ Ատրպէյճանի վարձած չորս լոպիիստական եւ PR ընկերութիւններու մասին: Այդ ընկերութիւններէն մէկը Tool Shed խումբն է:

Այս շաբաթ կը փափաքէի նմուշներ ներկայացնել Tool Shed խումբի կազմակերպած տպաւորիչ ձեռնարկներէն, յանուն Ատրպէյճանի հիւպատոսութեան, որ մեծ օգուտ կը քաղէ այդ գործարքէն՝ ամսական վճարելով միայն 9 հազար տոլար՝ ատրպէյճանամէտ բոլոր աշխատանքներուն համար, որոնցմէ գրեթէ ոչ մէկը կրնար իրականանալ առանց Tool Shed խումբին։

Ընթերցողներուն մեծ մասը տեղեակ չէ, որ ամերիկեան օրէնքը՝ օտարերկրացիներու կողմէ վարձուող ամերիկեան լոպիիստական եւ PR ընկերութիւններէն կը պահանջէ ոչ միայն արձանագրել իրենց յաճախորդները Արդարադատութեան նախարարութեան մօտ՝ ըստ օտարերկրեայ գործակալներու արձանագրութեան օրէնքին, այլ նաեւ ամենայն մանրամասնութեամբ ներկայացնել յօգուտ անոնց իրականացուած ձեռնարկներուն ցանկը:

Պարզելու համար, թէ ի՛նչ աշխատանքներ կատարուած են Tool Shed խումբին կողմէ ի նպաստ Ատրպէյճանի հիւպատոսութեան, ես ստուգեցի Արդարադատութեան նախարարութեան կայքը, ուր Tool Shed խումբը, ամսուան թուականներու հիմաան վրայ՝ թուարկած է իրենց ամբողջ գործունէութիւնը՝ Լոս Անճելըսի մէջ գտնուող Ատրպէյճանի հիւպատոսութեան ի նպաստ:

Tool Shed խումբի ձեռնարկներու ցանկը կը սկսի 1 Ապրիլ 2009էն, բայց խորհրդաւոր կերպով կ՛աւարտի 31 Մարտ 2011ին: Ասիկա, անկասկած, Արդարադատութեան նախարարութեան պահանջներու խախտում մըն է եւ անհրաժեշտ է ներկայացնել Միացեալ Նահանգներու կառավարութեան ուշադրութեան: Այնուամենայնիւ, երկամեայ զեկոյցը ամբողջական պատկերացում կու տայ անոնց կատարած աշխատանքին մասին. բան մը, որ ես ամփոփած եմ տասնեակ էջեր հաշուող բնագիրէն եւ ներկայացուցած՝ ստորեւ.

 

1) Համալսարաններու ընդգրկում.

 

Գլխաւոր հիւպատոս Էլման Ապտուլայեւի համար հանդիպումներու կազմակերպում՝ համալսարանական հետեւեալ պաշտօնեաներուն հետ. Ճոլին Քեսթըր՝ Քալիֆորնիոյ նահանգի համալսարան, Նորթրիճ, Քալիֆորնիա, Նիւ Մեքսիքոյի համալսարան, Ճեֆ Քօէն եւ Էտըմ Քլէյթըն՝ Հարաւային Քալիֆորնիոյ համալսարան (USC), «Չեփմըն» համալսարան, Օրենճ Քաունթի, Քալիֆորնիա, «ՓեփըրտայնՄ համալսարան, Մալիպու, Քալիֆորնիա, Լերի Կրինֆիլտ՝ «Քլերմոն»չ համալսարանի փոխնախագահ, Լոս Անճելըս, Քալիֆորնիա, Ճեք Լուիս՝ փոխղեկավար, USC-ի «Մարշըլ» առեւտրագիտութեան դպրոց, Լոս Անճելըս, Քալիֆորնիա, Կէյլ Լապիտուս՝ «Սթենֆըրտ» համալսարան, Քալիֆորնիա, Տէյվիտ Լենտպըրկ՝ Լոս Անճելըսի Քալիֆորնիոյ համալսարանի (UCLA) Նանօ համակարգերու հիմնարկ, Քալիֆորնիոյ համալսարան, Ըրվայն եւ Լաս Վեկասի համալսարան, Նեւատա, (դասախօսութիւններ գլխաւոր հիւպատոսին կողմէ՝ UCLA-ի մէջ), Սան Ֆրանսիսքոյի համալսարան, Սան Հոզէի համալսարան, Սան Հոզէ, Քալիֆորնիա. USC-ի «Սքրիփս» քոլեճ, Քլերմոնթ, Քալիֆորնիա. Քալիֆորնիոյ համալսարան, Սանթա Պարպարա, Քալիֆորնիա, Քալիֆորնիոյ նահանգի համալսարան, Ֆուլըրթըն, Քալիֆորնիա, Արիզոնա նահանգի համալսարան, Ֆենիքս, Արիզոնա, Արիզոնայի համալսարան, Թուսան, Արիզոնա եւ «Սթենֆըրտ» համալսարան, Սթենֆըրտ, Քալիֆորնիա, ելոյթ ունեցած է USC-ի մէջ կրօնական բազմակարծութեան վերաբերեալ համաժողովին մէջ եւ հեռակապով համաժողով գումարած է USC-ի հանրային դիւանագիտութեան կեդրոնին հետ՝ գլխաւոր հիւպատոսի դասախօսութիւնը քննարկելու համար:

 

2) Միացեալ Նահանգներու քաղաքական գործիչներ.

 

Գլխաւոր հիւպատոսը տեսակցած է քաղաքական հետեւեալ գործիչներուն հետ. Տէրըլ Սթէյնպըրկ, նախագահ, Քալիֆորնիա նահանգի Ծերակոյտ, Սաքրամենթօ, Քալիֆորնիա, Քերըն Պաս, խօսնակ, Քալիֆորնիա նահանգի Ներկայացուցիչներու տուն, Սաքրամենթօ, Քալիֆորնիա, Անէթ Փորինի, աշխատակազմի ղեկավար, նահանգային ծերակուտական Ճօ Սիմիթեան, Սաքրամենթօ, Քալիֆորնիա. Ֆելիփէ Ֆուենթես, Քալիֆորնիա նահանգի Ներկայացուցիչներու տան անդամ, Սաքրամենթօ, Քալիֆորնիա, քաղաքապետարանի անդամ Քրիս Քելվըրթ, Սանթա Ֆէ, Նիւ Մեքսիքօ, Նիւ Մեքսիքոյի նահանգապետ Պիլ Ռիչըրտսըն, Սանթա Ֆէ, Նիւ Մեքսիքօ, խօսնակ Պէն Լուժըն, Նիւ Մեքսիքոյի նահանգի օրէնսդիր, Սանթա Ֆէ, Նիւ Մեքսիքօ, քաղաքապետ Պապ Ֆոսթըր, Լոնկ Պիչ, Քալիֆորնիա, քոնկրեսական Էտըմ Շիֆ, Կլենտէյլ, Քալիֆորնիա, քոնկրեսական Տայանա Ուաթսըն, Օրենճ Քաունթիի շերիֆ Սանտրա Հաթչինզ, Սանթա Անա, Քալիֆորնիա, Օրենճ Քաունթիի Վերահսկիչներու Խորհուրդ, Մայք Շնայտըր, նախագահ, Նեւատա նահանգի Ծերակոյտ, Լաս Վեկաս, Նեւատա. քաղաքապետ Ասքըր Կուտմըն, Լաս Վեկաս, Նեւատա. խնդրած է քոնկրեսական Մայքըլ ՄաքՄահընէն միանալ Ատրպէյճանի աջակցութեան խումբին, Լոս Անճելըս, Քալիֆորնիա, Սան Հոզէի քաղաքապետ Չաք Ռիտ, Քալիֆորնիա. հանդիպում Քալիֆորնիոյ նահանգապետ Առնըլտ Շուարցնեկըրի հետ՝ Ատրպէյճանէն ուղարկուած նուէրը յանձնելու համար, Լոս Անճելըս, Քալիֆորնիա, Սանթա Ֆէի քաղաքապետ Քոս, Նիւ Մեքսիքօ, քոնկրեսական Տանա Ռորըպեկըր, Հանթինկթըն Պիչ, Քալիֆորնիա եւ քաղաքային խորհուրդի անդամ Եան Փերի, Լոս Անճելըս, Քալիֆորնիա:

 

3) Հրէական եւ իսրայէլեան ներկայացուցիչներ.

 

Ատրպէյճանի գլխաւոր հիւպատոսը տեսակցած է հետեւեալ մարդոց հետ. Իսրայէլի գլխաւոր հիւպատոս Ճէյքըփ Տայան, Լոս Անճելըս, Քալիֆորնիա, Ճոն Ֆիշըլ, Լոս Անճելըսի Հրէական միութիւն. ռապպի Աբրահամ Քուփըր, Հանդուրժողականութեան թանգարան, Լոս Անճելըս, Քալիֆորնիա, դասախօսութիւն Temple Judea-ի մէջ, Թարզանա, Քալիֆորնիա, Ամերիկայի հրէական կոմիտէ, Սան Ֆրանսիսքօ, Քալիֆորնիա եւ հանդիպած է ռապպի Լէյտըրի ու փրոֆեսէօր Ռուվեն Ֆայըրսթընի հետ Լոս Անճելըսի Temple Beth Am-ի գլխաւոր հիւպատոսի դասախօսութեան առնչութեամբ:

Կան տասնեակ այլ հանդիպումեր, զորս Tool Shed խումբի սեփականատէր Ճէյսըն Քաց կազմակերպած էր Ատրպէյճանի գլխաւոր հիւպատոսին համար: Պէտք է խոստովանիմ, որ Քաց շատ քիչ վարձատրուած է՝ ամսական 9 հազար տոլարի չնչին գումարով այսպիսի տարողութեամբ հասանելիութիւն ապահովելով Ատրպէյճանի համար, Միացեալ Նահանգներու տարբեր նահանգներու մէջ. բան մը, որ Ատրպէյճանի գլխաւոր հիւպատոսը երբեք պիտի չկարենար առանձինն իրագործելու:

Ամերիկահայ համայնքը լոպպիստական եւ PR ընկերութիւններու բացը կը լրացնէ իր կազմակերպութիւններուն եւ անոնց անդամներուն աշխոյժ աշխատանքով: Այնուամենայնիւ, արհեստավարժ լոպիիստական եւ PR ընկերութիւնները կրնան շատ բան աւելցնել ցարդ արձանագրուած յաջողութիւններուն վրայ: Ցաւօք, հայերուն մեծ մասը ըստ արժանուոյն չի գնահատեր լոպիիստական եւ PR ընկերութիւններու աշխատանքը, հետեւաբար, չի հաւատար այսպիսի արժէքաւոր եւ խիստ անհրաժեշտ աշխատանքներու ֆինանսաւորման…

 

ՅԱՐՈՒԹ ՍԱՍՈԻՆԵԱՆ

«Քալիֆորնիա Քուրիըր» թերթի հրատարակիչ եւ խմբագիր

 

Արեւելահայերէնի թարգմանեց՝

ՌՈՒԶԱՆՆԱ ԱՒԱԳԵԱՆ

Արեւմտահայերէնի վերածեց՝

ՍԵԴԱ ԳՐԻԳՈՐԵԱՆ

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top