Հայ Դատը Կը Մասնակցի Սպիտակ Տան Առջեւ Կայացած Եզիտիներու Ցեղասպանութեան Ոգեկոչման

0805ANCA Yezidi2

0805ANCA Yezidi2

ՈՒԱՇԻՆԿԹԸՆ.- Ամերիկայի Հայ Դատի յանձնախումբի անդամներ եւ համակիրներ իրենց մասնակցութիւնը բերած են Օգոստոս 3ի գիշերը Սպիտակ տան առջեւ կայացած՝ եզիտիներու ցեղասպանութեան ի յիշատակ մոմավառութեան եւ ոգեկոչման ձեռնարկին։

Ոգեկոչումը կազմակերպուած էր «Ազատ Եզիտիներ» հիմնարկին եւ Ամերիկեան Եզիտի կեդրոնին համատեղ ջանքերով, Իրաքի Շինկալ շրջանին (արաբերէնով՝ Սինճար) վրայ «Իսլամական պետութիւն» ահաբեկչական կազմակերպութեան յարձակումին երրորդ տարեդարձը նշելու համար։

Այդ յարձակումին ընթացքին հազարաւոր կիներ եւ երեխաներ սպաննուած էին, իսկ ուրիշներ առեւանգուելով՝ սեռային ստրուկներ դարձած էին։

Յիշեցնենք, որ 2016ին, Ներկայացուցիչներու տունը «ցեղասպանութիւն» որակած էր քրիստոնեաներու, եզիտիներու եւ ցեղային ու կրօնական այլ փոքրամասնութեանց դէմ «Իսլամական պետութեան» գործած ոճիրները։

Նշենք, որ 2014ի յարձակումէն ետք, մօտաւորապէս 50 եզիտի ընտանիքներ ապաստանած էին Հայաստան, ուր հաստատուած են 40,000 եզիտիներ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top