Ոսկրածուծի Հայկական Հիմնարկի «Արշաւ՝ Կեանքի Համար» Տարեկան Ձեռնարկը՝ Օգոստոս 27ին

0000ABMDR Gala
0000ABMDR Gala

Վերի շարք, ձախէն աջ՝ Ռապըրթ Պարսամ, Ռամելլա Մարգարեան եւ Ամելիա Կիւրեղլեան Մէջտեղը, ձախէն աջ՝ Ալեքօ Պօղոսխանեան, Արփինէ Զոհրապեան եւ տոքթ. Վիգէն Սեփիլեան. Վարի շարք՝ Նայիրի Գրաւեան

 

ԼՈՍ ԱՆՃԵԼԸՍ.- Ոսկրածուծի նուիրատուներու հայկական հիմնարկի (ABMDR) տարեկան 18րդ «Արշաւ՝ կեանքի համար» ձեռնարկը տեղի պիտի ունենայ Կիրակի, Օգոստոս 27ին, երեկոյեան ժամը 5էն սկսեալ, «Տաղլեան» մշակութային կեդրոնի սրահին մէջ (1201 N. Vine St., Los Angeles, CA 90038): Այս տարուան ձեռնարկին գլխաւոր հովանաւորն է Կլենտէյլի «Էտվենթիս»չ բժշկական կեդրոնը։

«Մեր տարեկան ձեռնարկը առիթ մըն է մեր հարիւրաւոր համակիրներուն հետ համատեղ տօնելու վերջին մէկ տարուան ընթացքին կեանքեր փրկելու մեր առաքելութեան արձանագրած իրագործումները, միաժամանակ մեծարելով անոնք, որոնք անձնուիրաբար եւ առատաձեռնօրէն նպաստած են մեր աշխատանքին», կը յայտնէ հիմնարկի նախագահ տոքթ. Ֆրիտա Ճորտըն։

Ձեռնարկի ընթացքին հիմնարկին կողմէ պիտի մեծարուին հետեւեալները.

– Ռապըրթ Պարսամ՝ «Տարուան Մարդը»

– Ռամելլա Մարգարեան՝ «Տարուան Կինը»

– Ալեքօ Պօղոսխանեան, Նայիրի Գրաւեան եւ Արփինէ Զոհրապեան՝ «Տարուան Կամաւոր»ներ

– «Փրովիտընս» երկրորդական վարժարանը՝ «Տարուան Կազմակերպութիւն»ը

– «Ամերիքըն Թայըր Տիփօ»՝ «Տարուան Հաստատութիւն»ը

– Ամելիա Կիւրեղլեան՝ «Կեանքի մը իրագործում»:

Երեկոյի հանդիսավարն է հիմնարկի երկարամեայ համակիրներէն եւ Ամերիկահայ բժշկական ընկերակցութեան նախկին նախագահ՝ տոքթ. Վիգէն Սեփիլեան, իսկ գեղարուեստական յայտագիրին պիտի մասնակցի «Էլըն Ճի.» երաժշտական համոյթը: Ներկայ պիտի ըլլան համայնքի ղեկավարներ եւ պետական պաշտօնատարներ եւ տեղական կազմակերպութեանց ու հիւանդանոցներու ներկայացուցիչներ։

Յաւելեալ տեղեկութիւններու կամ տեղեր ապահովելու համար, դիմել (818) 919-2686, (818) 231-9501, կամ (626) 695-9899 թիւերուն, կամ՝ info@abmdr.net հասցէին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top