Քրիս Պոհճալեանի «Աւազէ Ամրոցի Աղջիկները» Կ՛ընտրուի «Մէկ Գիրք. Մէկ Սան Տիէկօ» Ծրագիրին Կողմէ

0000bohj SD

 

0000bohj SD

 

ՍԱՆ ՏԻԷԿՕ, «Արմինիըն Ուիքլի».- 2017ի «Մէկ Գիրք. Մէկ Սան Տիէկօ» ծրագիրը Քրիս Պոհճալեանի «Աւազէ Ամրոցի Աղջիկները» («The Sandcastle Girls») գիրքը ընտրած է՝ իբրեւ այս տարուան քննարկուելիք հատորը. այս մասին կը տեղեկացնէ նոյն քաղաքի հանրային KPBS ձայնասփիւռի կայանը։

Պոհճալեան, Հայոց Ցեղասպանութեան առնչուող իր սոյն հատորի ընտրութիւնը պատիւ մը համարելով՝ աւելցուցած է, թէ Սան Տիէկօն մի՛շտ եղած է ընթերցանութիւն սիրող քաղաք մը, ունենալով հարուստ գրախանութներ եւ գրատուներ։

Հեղինակը այս առիթով պիտի մասնակցի երկու հանրային քննարկումներու, որոնք տեղի պիտի ունենան Սեպտեմբեր 12ին եւ 13ին, որմէ ետք կայանին կազմակերպելիք հանրային հաւաքները պիտի շարունակուին մինչեւ Դեկտեմբեր։

Հատորին ընթերցանութիւնը խթանելու նպատակով, նշեալ ձայնասփիւռի կայանը նաեւ գիրքէն 300 օրինակներ ձրիաբար պիտի բաժնէ Օգոստոս 26ին, «Լիպըրթի Սթէյշըն»ին մէջ (2640 Historic Decatur Rd. #101, San Diego, CA 92106) կայանալիք Սան Տիէկոյի Գիրքերու անդրանիկ փառատօնին ընթացքին, որ կ՛իրականացուի կայանին եւ «Սան Տիէկօ Եունիըն-Թրիպիուն» թերթին համագործակցութեամբ, առաւօտեան ժամը 10էն մինչեւ երեկոյեան ժամը 6։

Քրիս Պոհճալեան հեղինակն է 19 հատորներու, որոնց մէկ մասը տեղ գտած է Միացեալ Նահանգներու մէջ ամենաշատ ծախուած գիրքերու «Նիւ Եորք Թայմզ»ի ցանկին վրայ. այս վերջիններէն մէկը եղած է Հայոց Ցեղասպանութեան նուիրուած «Աւազէ Ամրոցի Աղջիկները» գործը: Անոր վէպերէն ոմանք նաեւ շարժապատկերներու վերածուած են: «Աւազէ Ամրոցի Աղջիկները» հատորին համար, Պոհճալեան «Ազատութեան մրցանակ»ը ստացաւ Ամերիկայի Հայ Դատի յանձնախումբին կողմէ եւ արժանացաւ Կիլիկիոյ կաթողիկոսութեան «Մեսրոպ Մաշտոց» շքանշանին: Ան արժանացած է նաեւ շարք մը այլ մրցանակներու։

Նշենք, որ 2014ին «Աւազէ Ամրոցի Աղջիկները» վէպը քննարկուած էր նաեւ «Մէկ Գիրք. Մէկ Կլենտէյլ» ծրագիրին կողմէ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top