Վրաստանի Ատրպէյճանական Գիւղին Մէջ Հայաստանի Քաղաքացին 14 Տարի Պահուած Է Իբրեւ Ստրուկ

0812soghanloukh

 

0812soghanloukhԵՐԵՒԱՆ, «Նիուզ».- Հայաստանի քննչական կոմիտէն քրէական գործ յարուցած է՝ Հայաստանի Հանրապետութեան քաղաքացին Վրաստանի ատրպէյճանական Սողանլուղ գիւղին մէջ իբրեւ ստրուկ՝ աշխատանքային շահագործման ենթարկելու դէպքին առթիւ:

Քննչական կոմիտէին կողմէ իրականացուած մամլոյ մշտադիտարկման շնորհիւ, քանի մը համացանցային տեղեկատուական հարթակներու վրայ յայտնաբերուած են հրապարակումներ՝ Հայաստանի քաղաքացիի Վրաստանի ատրպէյճանական գիւղին մէջ շահագործման ենթարկելուն վերաբերեալ:

Ըստ այս հրապարակումներուն՝ 28 Յուլիս 2017ին կայացած մամլոյ ասուլիսին ընթացքին Հայաստանի արտաքին գործոց նախարարութեան ներկայացուցիչը յայտարարած է, որ հայ տղամարդը Վրաստանի ատրպէյճանական գիւղին մէջ տարիներ շարունակ պահուած է ստրկութեան նմանող վիճակի մէջ եւ ենթարկուած է աշխատանքային շահագործման: Սոյն քաղաքացին կարելի եղած է ազատել. ան այժմ կը գտնուի Հայաստանի մէջ:

Մատնանշուած հանգամանքները ստուգելու համար, քննչական կոմիտէի նախագահի տեղակալ Վահագն Յարութիւնեանի յանձնարարութեամբ քննիչները ուսումնասիրած են պարագան:

Յայտնի դարձած է, որ Հայաստանի քաղաքացին աշխատանք գտնելու ակնկալութեամբ 2003ին մեկնած է Վրաստան, ուր պատահական վարորդի մը խնդրած է աջակցիլ՝ աշխատանք գտնելու հարցով: Վարորդը զայն տեղափոխած է Վրաստանի Հանրապետութեան ատրպէյճանական Սողանլուղ գիւղը, ուր ազգութեամբ ատրպէյճանցի ընտանիքի անդամները, Հայաստանի քաղաքացին շահագործելու նպատակով, օգտագործելով վերջինիս կողմէ շրջանին անծանօթ ըլլալու հանգամանքը, մինչեւ 2017 Մայիս 7ը պահած են զայն ստրկութեան նմանող վիճակի մէջ, առանց վարձատրութեան աշխատցուցած՝ իրենց եւ հարեւան բնակիչներու հողատարածքներու վրայ, իսկ բնակութեան համար յատկացուցած են տան տանիքը, ուր շահագործման զոհը գիշերած է ստուարաթուղթէ արկղներու վրայ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top