Իսրայէլի Պատուիրակութիւնը Կ՛այցելէ Ծիծեռնակաբերդի Ցեղասպանութեան Յուշահամալիր

0913isra1

0913isra1

ԵՐԵՒԱՆ.- Հայաստանի հանրային ձայնասփիւռի կայանը կը տեղեկացնէ, թէ Իսրայէլի խորհրդարանի փոխխօսնակ եւ Իսրայէլ-Հայաստան պատգամաւորական բարեկամական խմբակի ղեկավար Թալի Փլոսքովի գլխաւորած պատուիրակութիւնը Սեպտեմբեր 12ին այցելած է Հայոց Ցեղասպանութեան Ծիծեռնակաբերդի յուշահամալիր, Հայաստանի խորհրդարանի Հայաստան-Իսրայէլ բարեկամական խմբակի ղեկավար Գագիկ Մինասեանի եւ խմբակի անդամներ Միքայէլ Մելքումեանի, Գագիկ Մելիքեանի, Գէորգ Գորգիսեանի եւ Սուրէն Մանուկեանի ուղեկցութեամբ։

Պատուիրակութեան անդամները ծաղկեպսակ զետեղած են Ցեղասպանութեան զոհերու յիշատակը յաւերժացնող յուշակոթողին դիմաց եւ լռութեամբ ու խոնարհումով յարգած մէկուկէս միլիոն զոհերուն յիշատակը:

0913isra2

Հիւրերը այցելած են նաեւ Հայոց Ցեղասպանութեան թանգարան-հիմնարկը եւ գրառում կատարած են յուշամատեանին մէջ:

Անդրադառնալով լրագրող Ալեքսանտր Լափշինին ներում շնորհելու մասին Ատրպէյճանի նախագահ Իլհամ Ալիեւի կարգադրութեան՝ Թալի Փլոսքով նշած է, որ Իսրայէլի խորհրդարանը այդ գծով ճնշում չէ բանեցուցած Ատրպէյճանի իշխանութիւններուն վրայ, աւելցնելով, որ ուրախ է այդ որոշումով:

Պատասխանելով Իսրայէլի կողմէ Ատրպէյճանին զէնք մատակարարելու դիրքորոշումը վերանայելու հաւանականութեան մասին հարցումին, յատկապէս նկատի առնելով Ապրիլեան իրադարձութիւնները եւ Իլհամ Ալիեւի ռազմատենչ հռետորաբանութեան ընդարձակումը, Փլոսքով յայտնած է, թէ լիազօրուած չէ Իսրայէլի կառավարութեան որոշումներուն մասին արտայայտուելու՝ աւելցնելով. «Որովհետեւ՝ ես պետութիւնը իբրեւ խորհրդարանական կը ներկայացնեմ եւ ոչ թէ իբրեւ կառավարութեան ներկայացուցիչ»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top