Արցախի Արտադրութիւնները՝  «WorldFood Moscow 2017» Փառատօնին

0914Artsakh

 

0914ArtsakhՍՏԵՓԱՆԱԿԵՐՏ, «Արցախփրէս».- Սեպտեմբեր 11-14ին, Մոսկուայի մէջ տեղի ունեցաւ ուտեստեղէնի արտադրութեան տրամադրուած միջազգային փառատօն-վաճառքը՝ «WorldFood Moscow 2017» խորագիրով։ Հոն ներկայացուած էին արցախեան կարգ մը ապրանքատեսակներ:

Փառատօնին մասնակցութիւն բերին նաեւ Հայաստանէն սննդամթերքի ոլորտի ընկերութիւններ։ Հայաստանեան ընկերութիւնները հանդէս եկան միասնական ընդարձակ տաղաւարի մը մէջ՝ ներկայացնելով պտուղ, բանջարեղէն, ձկան ու միսի պահածոներ, պտուղի ջուրեր, օշարակներ, մեղր, չոր պտուղ, թէյ, ձուկ եւ միս։

Փառատօնի լաւագոյն տաղաւարի մրցանակին արժանացաւ Հայաստանի Զարգացման հիմնադրամի նախագահ Արմէն Աւագեան, որ ըսաւ, թէ այս նախաձեռնութեան նպատակն էր համաշխարհային շուկային ծանօթացնել հայկական արտադրութիւնները։

Փառատօնին ընթացքին, արցախեան ապրանքատեսակներուն նկատմամբ հետաքրքրութիւնը մեծ եղած է, եւ որոշ համաձայնագիրներ ստորագրուած են մեծաքանակ գնորդներու հետ, որոնք Մոսկուա եկած էին Եւրասիական տնտեսական միութեան անդամ երկիրներէ, Չինաստանէն, Հնդկաստանէն, Միացեալ Նահանգներէն եւ Գանատայէն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top