Քալիֆորնիոյ Հայ Երիտասարդաց Միութեան Պատուիրակութիւնը Այցելեց Սփիւռքի Նախարարութիւն

0000Iraqahay

0000Iraqahay

ԵՐԵՒԱՆ.- Սեպտեմբեր 15ին, Հայաստանի սփիւռքի նախարար Հրանոյշ Յակոբեան ընդունեց Քալիֆորնիոյ հայ երիտասարդաց միութեան պատուիրակութիւնը՝ գլխաւորութեամբ ատենապետ Բաբգէն Ասատուրեանի եւ մշակութային յանձնախումբի պատասխանատու Շանթ Յովասափեանի:

Հիւրերը նախարարին նուիրեցին միութեան 25ամեակին նուիրուած գրքոյկը, ուր տպագրուած է նաեւ նախարարին շնորհաւորական խօսքը:

Ասատուրեան նախարարին ներկայացուց միութեան ձեռքբերումներն ու ծրագիրները, նորութիւնները, յաջողութիւններն ու դիմագրաւած հարցերը: Քննարկուեցան Սփիւռքի մէջ հայկական ինքնութեան պահպանման եւ երիտասարդներու հայեցի կրթութեան անհրաժեշտութեան վերաբերող հարցեր, նաեւ անդրադարձ կատարուեցաւ սփիւռքի նախարարութեան հետ գործակցութեան աշխուժացման:

Ասատուրեան նաեւ նշեց, որ միութիւնը հիմնուած է 1991ին: Ներկայիս միութիւնը ունի աւելի քան 440 անդամներ, որոնք մեծամասնութեամբ իրաքահայեր են: Անիկա ունի նաեւ գրական, տիկնանց, երիտասարդական խորհրդակցական, երիտասարդ-ընտանեկան, ընկերային, յարաբերական, շինարարական յանձնախումբեր եւ «Կոմիտաս» քառաձայն երգչախումբը, որ տարեկան ելոյթներ կ՛ունենայ Կլենտէյլի մէջ, իսկ միութեան «Լրատու» պարբերաթերթը կը հրատարակուի տարին երկու անգամ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top