Մայքըլ Յակոբեանի Ժառանգութեան Նուիրուած Շարքին Առաջինը՝ Հոկտեմբեր 1ին

Տեսարան մը Անի Յովհաննէսեան-Գէորգեանի ֆիլմէն
Տեսարան մը Անի Յովհաննէսեան-Գէորգեանի ֆիլմէն

Տեսարան մը Անի Յովհաննէսեան-Գէորգեանի ֆիլմէն

 

ԼՈՍ ԱՆՃԵԼԸՍ.- Կազմակերպութեամբ Հայագիտական ուսմանց եւ ուսումնասիրութեանց ազգային միութեան (NAASR) եւ Հայկական շարժապատկերի հիմնարկին, Կիրակի, Հոկտեմբեր 1ին, կ.ե. ժամը 2ին տեղի պիտի ունենայ հայկական նիւթերով վաւերագրական տասնեակ ֆիլմեր պատրաստած Ճէյ. Մայքըլ Յակոբեանի ժառանգութեան նուիրուած շարքին առաջին ներկայացումը։

«Արգիլուած Ճամբորդութիւններ» խորագրուած սոյն ձեռնարկին ընթացքին պիտի ցուցադրուին խումբ մը ամերիկահայերու կողմէ 1967ին Պատմական Հայաստան կատա-րուած ուխտագնացութեան մասին Յակոբեանի պատ-րաստած վաւերագրական «Պատմական Հայաստան» ֆիլմէն բաժիններ։ Այդ այցելութիւնը իր տեսակին մէջ առաջիններէն էր։

Պիտի ցուցադրուի նաեւ այս այցելութենէն մօտաւորապէս 50 տարի ետք Անի Յովհաննէսեան-Գէորգեանի կատարած նման այցելութեան մը հիման վրայ պատրաստուած վաւերագրական ֆիլմը։

Ցուցադրութիւններէն ետք տեղի պիտի ունենայ քննարկում մը՝ մասնակցութեամբ Մարք Մամիկոնեանի, դոկտ. Քարլա Կարապետեանի, փրոֆ. Ռիչըրտ Յովհաննէսեանի եւ Անի Յովհաննէսեան-Գէորգեանի։ Ձեռնարկին բացումը պիտի կատարէ փրոֆ. Փիթըր Քաուի, իսկ փակումը՝ փրոֆ. Սեպուհ Ասլանեան։

Մայքըլ Յակոբեան՝ Հիւսէյնիկի մէջ

Մայքըլ Յակոբեան՝ Հիւսէյնիկի մէջ

Ձեռնարկի համահովանաւորներն են՝ Քալիֆորնիոյ համալսարանի Լոս Անճելըսի (UCLA) մասնաճիւղին մէջ գործող եւ Ռիչըրտ Յովհաննէսեանի անուան՝ Արդի հայոց պատմութեան ու հայ գրականութեան «Նարեկացի» ամպիոնները, ինչպէս նաեւ՝ «Արարատ Էսքիճեան» թանգարանը։

Մուտքը ազատ է. ձեռնարկը տեղի պիտի ունենայ UCLA-ի «Մելնիզ» կառոյցի «Ճէյմզ Պրիճըզ» սրահին մէջ (235 Charles E Young Dr N, Los Angeles, CA 90095), որուն ամենամօտիկ ինքնաշարժներու կանգառը թիւ 3ն է։

Յաւելեալ տեղեկութեանց համար, դիմել (617) 489-1610 թիւին, կամ՝ hq@naasr.org հասցէին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top