Պետական Ակադեմական Երգչախումբը Ելոյթ Պիտի Ունենայ Տաթեւի Վանական Համալիրին Մէջ

1012datev

1012datev

«Մեդիամաքս»ը կը հաղորդէ, որ 16 Հոկտեմբերի առաւօտեան ժամը 11ին, Տաթեւի վանական համալիրի բակին մէջ տեղի պիտի ունենայ Հայաստանի պետական ազգային ակադեմական երգչախումբի համերգը՝ խմբավար Յովհաննէս Չէքիճեանի ղեկավարութեամբ:

Համերգը տեղի պիտի ունենայ «Հայաստանի զարգացման նախաձեռնութիւններ» (IDeA) հիմնադրամի հովանաւորութեամբ, «Տաթեւի վերածնունդ» ծրագրի ծիրէն ներս:

16 Հոկտեմբերին կը լրանայ «Տաթեւեր» ճոպանողիի գործարկման 7րդ տարին:

Համերգային ծրագիրին ընթացքին պիտի հնչեն հայ, ռուս, եւրոպացի երգահաններու ստեղծագործութիւններ:

Համերգը կը կազմակերպուի Տաթեւի վանքի յարակից համայնքներու բնակիչներու, զբօսաշրջիկներու եւ բոլորին համար:

«Տաթեւի Վերածնունդ» նախագիծը նպատակ ունի վանական եւ զբօսաշրջութեան բաղադրիչներու համադրման միջոցով բարձրացնել Տաթեւի վանական համալիրի դերն ու նշանակութիւնը, եւ տարածաշրջանը դարձնել զբօսաշրջութեան գրաւիչ կեդրոն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top