Ժամանակակից Սպառազինութիւն Գնելու Նպատակով Ռուսիա Հայաստանին Կը Տրամադրէ 100 Միլիոն Տոլարի Նոր Վարկ

1013russianarms

 

1013russianarms

Ռուսիա Հայաստանին կը տրամադրէ 100 միլիոն տոլարի նոր վարկ՝ ժամանակակից սպառազինութիւն, ռազմական սարքեր ձեռք բերելու եւ մատակարարումները ֆինանսաւորելու համար, կը հաղորդէ «Արմէնփրէս»ը:

Հայաստանի եւ Ռուսիոյ կառավարութիւններուն միջեւ Հայաստանին պետական վարկ տրամադրելու համաձայնագիրի կնքման  հարցը ընդգրկուած էր Հայաստանի կառավարութեան 12 Հոկտեմբերի նիստի օրակարգին վրայ:

Այս օրակարգը նիստին չզեկուցուող հարցերու շարքին էր:

Ըստ համաձայնագիրին՝ 100 միլիոն տոլարի չափով պետական վարկը պիտի տրամադրուի 20 տարի ժամկէտով, որմէ 5ը՝ արտօնեալ, տարեկան 3 տոկոս տոկոսադրոյքով:

Համաձայնագիրի դրոյթներու հիման վրայ Հայաստանի պաշտպանութեան նախարարութեան եւ «Ռոսոբորոնեկսպորտ»ի միջեւ պիտի ստորագրուին առանձին պայմանագիրներ վերոնշեալ ժամանակակից սպառազինութեան եւ զինամթերքի Հայաստանին տրամադրելու կարգի, ժամկէտներու, այդ ռազմական սարքերու կիրառման վերաբերող տեղեկատուութեան տրամադրման պայմաններու, կողմերու պարտաւորութիւններու, անոնց նորոգման եւ արհեստագիտական սպասարկման պարտաւորութիւններու ձեռքբերման համար վճարումներու եւ այլ հարցերու վերաբերեալ:

Նախագիծի հիմնաւորման համաձայն՝ համաձայնագիրի կնքումը կը համապատասխանէ Հայաստանի ռազմավարական շահերուն եւ անոր իրագործումը պիտի ծառայէ Հայաստանի անվտանգութեան ամրապնդման նպատակներուն:

«Հետք»ի փոխանցած տեղեկութեանց համաձայն՝ «Հայկական կողմը վարկը կարող է օգտագործել 2018-2022  թուականների ընթացքում: Վարկը մարուելու է 15 տարուայ ընթացքում, իւրաքանչիւր տարուայ Մայիսի 15ին եւ Նոյեմբերի 15ին: Վարկի մարման գծով առաջին վճարումը կատարուելու է 2023ի Մայիսի 15ին: Վարկի տոկոսը հաշուարկւում է տարեկան 3 տոկոս տոկոսադրոյքով»:

Նշենք, որ Ռուսիոյ կառավարութեան հետ 26 Յունիս 2015ին ստորագրուած էր սպառազինութիւն ձեռք բերելու համար 200 միլիոն տոլարի վարկային համաձայնագիր, որ այժմ կը գործէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Mardig Madenjian said:

    Այս վարկը շատ դիւրիս չի գար, թէեւ Հայաստան կարիք ունի նման վարկերու: Ասիկա Հայաստանին բռնի ստիպելու որ ռուսական արտադրութիւն գնէ բանակին կարիքներուն համար: Նախընտրելի պիտի ըլլար տարածաշրջանը սպառազինումէ զերծ պահելու համար Ատրպէյճանին զէնք չտար եւ Հայաստան ալ ստիպուած չըլլար պարտքերու տակ ընկճուիլ: Ասոր ռուսական բարեկամութի՞ւն կ’ըսեն:

*

Top