Փարիզի Մէջ Նշուեցաւ Հայաստանի Անկախութեան 26րդ Տարեդարձը

0000PARIS1

0000PARIS1

ՓԱՐԻԶ, «Նոր Յառաջ».- Ֆրանսայի մօտ Հայաստանի դեսպան Վիգէն Չիտեչեանի եւ ԵՈՒՆԵՍՔՕի մօտ Հայաստանի ներկայացուցիչ Շարլ Ազնաւուրի հրաւէրով, Երեքշաբթի, 3 Հոկտեմբերի երեկոյեան, Փարիզի «Փոքր Պալատ»ի (Petit Palais) շքեղ սրահններուն մէջ հանդիսաւոր կերպով նշուեցաւ Հայաստանի Հանրապետութեան ազգային տօնը: Հրաւիրուած էին օտար դեսպաններ, քաղաքական եւ մշակութային դէմքեր եւ հայ համայնքի ներկայացուցիչներ, ինչպէս՝ դեսպան, Ֆրանսախօսութեան միջազգային կազմակերպութեան մօտ Հայաստանի ներկայացուցիչ Քրիսթիան Տէր Ստեփանեան, դեսպան, Եւրոպայի խորհուրդին մօտ Հայաստանի ներկայացուցիչ Պարոյր Յովհաննիսեան, Լիոնի քաղաքապետ Գէորգ Քէփէնէկեան, երեսփոխան եւ Հօ-տը-Սենի Նահանգային խորհուրդի նախագահ Փաթրիք Տէվէճեան, Ֆրանսայի Ազգային ժողովի հայ երեսփոխաններ՝ Տանիէլ Ղազարեան եւ Կիյոմ Գասպարեան, երեսփոխան Լիւք Քարվունաս, երեսփոխանուհի Վալերի Պուայէ, երեսփոխան Փիւփոնի, թեմակալ առաջնորդ Վահան եպս. Յովհաննէսեան, CCAF-ի համանախագահներ Արա Թորանեան եւ Մուրատ Փափազեան ու բազմաթիւ այլ բարձրաստիճան պաշտօնատարներ:

0000PARIS2

Ներկաները մեծ խանդավառութեամբ ընդունեցին Ազնաւուրի գալուստը: Դեսպան Վ. Չիտեչեան իր ելոյթին ընթացքին յիշեց Հայաստան-Ֆրանսա 25ամեայ դիւանագիտական յարաբերութիւնները եւ այդ ժամանակաշրջանին տեղի ունեցած պատմական նշանակութեամբ դէպքերը, ինչպէս՝ Հայոց Ցեղասպանութեան ճանաչումը, Ֆրանսայի մէջ Հայաստանի տարին (2006-2007), Ֆրանսայի նախագահներուն Հայաստան այցելութիւնը՝ Ցեղասպանութեան 100ամեակին առիթով եւ անկէ առաջ: Դեսպանը դրուատեց երկու ժողովուրդներու բարեկամական սերտ կապերը:

Փարիզի քաղաքապուհի Անն Հիտալկոյի ներկայացուցիչ Փաթրիք Քլիւկման, իր կարգին շեշտեց Ցեղասպանութեան ճանաչման եւ ժխտողականութեան դէմ պայքարի կարեւորութիւնը:

Ելոյթներուն յաջորդեց շքեղ ընդունելութիւն մը, որուն ընթացքին «Երազ» պարախումբը ներկայացուց քանի մը պարեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top