Կարգալոյծ Եկեղեցականներու Միջոցով Կատարուած Սուրբ Խորհուրդները Անվաւեր Պիտի Նկատուին

0000Diocese

0000Diocese

ՊԸՐՊԵՆՔ.- Միացեալ Նահանգներու Արեւմտեան թեմի առաջնորդարանի դիւանէն ստացած ենք հետեւեալ հաղորդագրութիւնը.

«Առ ի տեղեկութիւն մեր ժողովուրդին՝ կ՛ուզենք պաշտօնապէս յայտարարել, որ Հայ եկեղեցին, իր յատուկ կանոններով, անվաւեր կը համարէ կարգալոյծ եկեղեցականներու միջոցով եւ թեմի սահմաններէն ներս առանց առաջնորդի արտօնութեան կատարուած եկեղեցւոյ Ս. խորհուրդները:

Այս յայտարարութիւնը կը կատարուի՝ Արեւմտեան թեմի առաջնորդ Յովնան արք. Տէրտէրեանի նախագահութեամբ Հոկտեմբեր 3, 2017ին առաջնորդարանին մէջ գումարուած Հոգեւորականներու ընդհանուր ժողովումի միասնական որոշումով:

Մեր թելադրութիւնն է, որ հաւատացեալները զգոյշ ըլլան եւ նման իրավիճակի մէջ չգտնուին ու կարգալոյծ եկեղեցականներու չդիմեն՝ Ս. Պսակ, Ս. Մկրտութիւն եւ ա՛յլ կրօնական արարողութիւններ, ինչպէս՝ գերեզմանօրհնէք կատարել տալու այդպիսիներուն:

Հայ եկեղեցին ունի իր կրօնական եւ կարգապահական դարաւոր կանոնները, եւ մեր պարտականութիւնն է մեր հաւատացեալները տեղեակ պահել ճշմարտութենէն:

Ժամանակն է, որ հաւատացեալները, իրենց հոգեւոր կարիքներուն համար, անպայմա՛ն դիմեն առաջնորդարան (Պըրպենք), կամ՝ առաջնորդարանին հովանաւորութիւնը վայելող արտօնեալ ու օրինական հոգեւորականներու»:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Vic said:

    Ամենուն համար էլ լաւ կլիներ եթէ այդ կարգալոյծ եկեղեցականների ցանկը հրապարակուեր:

*

Top