«Թայմ»ի Համաձայն՝ Թուրք-Ամերիկեան Կապերը «Ամենացուրտ» Վիճակի Մէջ  Են

ՊՈԼԻՍ, «Մարմարա».- Բրիտանական «Թայմ» թերթը անդրադարձած է Ամերիկայի ու Թուրքիոյ միջեւ վերջին տագնապին՝ գրելով, որ ՆԱԹՕի դաշնակից այս երկու երկիրներուն միջեւ յարաբերութիւնները հասած են վերջին տասնամեակներուն ընթացքին իրենց ամենացուրտ վիճակին։

Յիշեցնելով, որ երկու երկիրներուն նորագոյն տագնապը ծագեցաւ ամերիկեան հիւպատոսարանի մէկ աշխատակիցին ձերբակալութենէն ետք՝ թերթը հաւանական կը գտնէ, որ Անգարա մօտիկ ապագային առաջարկէ Ամերիկային վերադարձնել Թուրքիոյ կողմէ հալածուող Կիւլենը՝ Թուրքիոյ մէջ ձերբակալուած ամերիկացիի մը փոխարէն։

«Թայմ»ի բնութագրումով, թուրք-ամերիկեան յարաբերութիւններուն մէջ վերջին անգամ նմանօրինակ տագնապ մը ծագած էր 1974ին, հիւսիսային Կիպրոսի բռնագրաւման պատճառով։ Միւս կողմէ, թերթը կը նշէ, որ թուրք-ամերիկեան յարաբերութիւններու լարուած վիճակի պատճառներէն են նաեւ վերջին երեք տարիներուն Ուաշինկթընի կողմէ Սուրիոյ քիւրտերուն ցուցաբերուած աջակցութիւնն ու անցեալ Մայիսին Ուաշինկթընի մէջ Էրտողանի թիկնապահներուն մասնակցութեամբ տեղի ունեցած ծեծվռտուքը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top