Խաչիկ Խաչեր Պիտի Ներկայացնէ Իր Երկու Հատորները

1012iranakan

 

1012iranakan

ԿԼԵՆՏԷՅԼ.- Իրանահայ հեղինակ ու թարգման Խաչիկ Խաչեր Հինգշաբթի, Հոկտեմբեր 19ին պիտի ներկայացնէ իր «Ինչո՞ւ Էր Ծովը Փոթորկուել» եւ «55+1. Իրանական Ժողովրդական Հեքիաթներ» հատորները, երեկոյեան ժամը 7:30էն սկսեալ, «Ապրիլ» գրատան մէջ (415 E. Broadway, Glendale, CA)։

Հանդիսավարն է՝ Հրաչուհի Տատուրեան, իսկ մուտքը ազատ է:

Երեկոն նուիրուած է Խաչիկ Խաչերի երկու նոր հատորներուն: «Ինչո՞ւ Էր Ծովը Փոթորկուել» գիրքին մէջ ամփոփուած են Իրանի անուանի արձակագիրներ Սատեղ Հետայաթի, Ամիրհասան Չեհելթանի, Ահմատ Մահմուտի, Սատեղ Չուպաքի, Ահմատ Պիկտելի, Ճաւատ Մոճապիի, Նահիտ Թապաթապայի, Մահմուտ Հոսէյնիզատի, Փարվիզ Քալանթարի եւ գրքի թարգմանիչ՝ Խաչիկ Խաչերի պատմուածքները:

«55+1. Իրանական Ժողովրդական Հեքիաթներ» գիրքին մէջ հաւաքուած են իրանեան բանահիւսական հեքիաթներու լաւագոյն նմոյշները, որոնց մէջ խտացուած է արեւելեան այս հնագոյն ժողովուրդին իմաստութիւնը:

Խաչիկ Խաչեր ծնած է Թեհրան՝ 1946ին, հայկական աւանդական եւ քաղաքական աշխուժութեամբ աչքի զարնող ընտանիքի մը մէջ: Գրող, թարգմանիչ, բանաստեղծ, հրապարակախօս, հասարակական գործիչ եւ ճարտարագէտ հեղինակը կը գրէ եւ կը թարգմանէ հայերէնով, պարսկերէնով, գերմաներէնով եւ անգլերէնով: Հայաստանի մէջ հրատարակած է տասէ աւելի գիրքեր (հեղինակային եւ թարգմանական) ու արժանացած մրցանակներու։ «Խաչիկ Խաչերի դերակատարութիւնը հայ եւ իրանական գրական երկխօսութեան կայացման ու զարգացման գործում չափազանց դրուատելի է. այն վաղուց վերածուել է բաղձալի առաքելութեան: Թէ՛ որպէս արձակագիր, թէ՛ որպէս թարգմանիչ՝ Խաչիկն իր գրական գործունէութեամբ ու նուիրումով զգալիօրէն հարստացնում է երկու բարեկամ ժողովուրդների կապերը՝ դրանք շաղախելով իր խորունկ հոգու անսպառ ջերմութեամբ», ըսած է Արցախի գրողներու միութեան նախագահ Վարդան Յակոբեան։ Երեկոն կազմակերպուած է «Ապրիլ» գրատան կողմէ, Քալիֆորնիոյ Հայ գրողներու միութեան հովանաւորութեամբ։

Յաւելեալ տեղեկութիւններու համար, հեռաձայնել «Ապրիլ» գրատուն՝ (818) 243-4112 թիւին, կամ դիմել noor@abrilbooks.com հասցէին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top