Պելճիքայի Թուրք Երեսփոխանը Չկրցաւ Հիւանդանոցի Մէջ Վարչական Խորհուրդի Նախագահ Դառնալ՝ Ցեղասպանութիւնը Ուրանալուն Համար

1110temiz

 

1110temiz

ՊՈԼԻՍ, «Մարմարա».- «Սապահ»ի մէջ հրատարակուած լուրի մը համաձայն, Պելճիքայի Ընկերվարական կուսակցութենէն թուրք երեսփոխան Շեւքեթ Թեմիզ իր կուսակցութեան կողմէ իբրեւ թեկնածու ներկայացած էր Պելճիքայի կարեւոր հիւանդանոցներէն մէկուն վարչական ժողովի նախագահութեան պաշտօնին, բայց երկրին հայկական եւ ասորի լոպիներուն կողմէ դրուած ճնշումին իբրեւ հետեւանք՝ ան ստիպուած եղած է ետ քաշելու իր թեկնածութիւնը։

Արդարեւ, երբ հրապարակուած է, թէ Թեմիզ թեկնածու է այս պաշտօնին, ցեղասպանութիւններու ժխտումի դէմ պայքարի ընկերակցութիւն մը դիմում կատարած է Պրիւքսէլի կուսակալութեան՝ պնդելով, որ Թեմիզի ընտրութիւնը մարդկային արժէքներու ներհակ պիտի ըլլայ եւ ազդարարելով Թեմիզին դէմ ցոյցեր կազմակերպել, եթէ ան առանց նախապայմանի չընդունի Հայոց Ցեղասպանութեան իրողութիւնը։

Թեմիզ իր կարգին ըսած է, թէ իրմէ պահանջուած է հանրային կարծիքին առջեւ առանց առարկութեան ընդունիլ «հայկական պնդումները», ինչին իբրեւ հետեւանք՝ նախընտրած է հրաժարիլ թեկնածութենէն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top