ՀԱՂՈՐԴԱԳՐՈՒԹԻՒՆ- Գումարուեցաւ ՀՅԴ Ամերիկեան Ցամաքամասի Եւ Աւստրալիոյ Մարմիններու Ռայոնական ժողովը

1115regional

1115regional

ՀՅԴ Բիւրոյի հրաւէրով՝ Պուէնոս Այրեսի մէջ, 11էն 12 Նոյեմբեր 2017ին տեղի ունեցաւ Ամերիկեան ցամաքամասի եւ Աւստրալիոյ ՀՅԴ մարմիններու Ռայոնական ժողովը, որուն մասնակցեցան եօթը երկիրներէ ներկայացուցիչներ:

Ժողովին ներկայ էր ՀՅԴ Բիւրոյի ներկայացուցիչը, Բիւրոյի անդամներ եւ ՀՅԴ Հայաստանի Գերագոյն մարմինի ներկայացուցիչը:

Երկու օր տեւած քննարկումներուն ընթացքին ՀՅԴ Բիւրօն ներկայացուց իր գործունէութեան վերջին մէկ տարուան տեղեկագիրը, որուն լոյսին տակ կատարուեցաւ համապարփակ քն-նարկում:

Ռայոնական ժողովը իրազեկ դարձաւ Հայաստանի ներքաղաքական կեանքի վերջին զարգացումներուն, կօալիցիոն կառավարութեան մէջ մեր մասնակցութեան արդիւնքներուն: Ժողովը քննարկեց Հայաստանի ընկերային արդարութեան ամրակայման, տնտեսական եւ անվտանգութեան մարզերէն ներս բարեփոխման նախաձեռնութիւններուն եւ հարցումներու ու արժեւորումներու ընդմէջէն տուաւ գնահատականներ: Յատուկ ուշադրութեան առարկայ դարձան արցախեան հարցի կարգաւորման վերջին զարգացումները եւ ՀՅԴի կատարելիք աշխատանքները այդ ծիրէն ներս:

Կարեւոր նկատուեցաւ Հայաստանի եւ Արցախի բանակներու հզօրացման անհրաժեշտութիւնը՝ շեշտը դնելով բանակին հանդէպ ցուցաբերուելիք համաժողովրդային նեցուկին ու զօրակցութեան ամրապնդման վրայ: Նաեւ կարեւոր նկատուեցաւ Հայաստանի տնտեսական հզօրացումի եւ ընկերային կենսամակարդակի բարձրացման անհրաժեշտութիւնը՝ իբրեւ հայրենի ժողովուրդի հայրենիքին մէջ բարգաւաճելու նախադրեալ:

Ապա ժողովը հանգամանօրէն զբաղեցաւ շրջաններու կազմակերպական, քաղաքական եւ յարաբերական օրակարգերով:

Ժողովը անդրադարձաւ Հայաստան-Սփիւռք յարաբերութիւններու ներկայ վիճակին, անոր բարելաւման անհրաժեշտութեան, ինչպէս նաեւ Սփիւռքի գաղութներու կայուն զարգացման եւ նորահաս սերունդներու պատրաստութեան գործին:

Ժողովը նաեւ անդրադարձաւ Հայաստանի Հանրապետութեան հիմնադրութեան 100ամեակին առիթով կազմակերպուելիք ձեռնարկներուն եւ նախաձեռնութիւններուն ու այս իմաստով նաեւ ներկայացուց առաջարկներ:

Կազմակերպական յաւելեալ հզօրացման ուղղութեամբ ժողովը ներկայացուց նոր առաջարկներ եւ միասնական դիրքորոշումներ որդեգրեց շարք մը օրախնդիր հարցերու վերաբերեալ:

 

ՀՅԴ ՄԱՄԼՈՅ ԴԻՒԱՆ

 

12 Նոյեմբեր 2017

Պուէնոս Այրես

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top