Հայաստանի Պաշտպանութեան Նախարարը Լոս Անճելըս Կ՛այցելէ

1115vikensarkissian

1115vikensarkissian

ԼՈՍ ԱՆՃԵԼԸՍ.- Երկուշաբթի, 13 Նոյեմբերին, Հայաստանի պաշտպանութեան նախարար Վիգէն Սարգսեանի գլխաւորած պատուիրակութիւնը այցելեց Քալիֆորնիոյ համալսարանի Լոս Անճելըսի մասնաճիւղ (UCLA): Աշխարհի լաւագոյն համալսարաններու շարքին դասուող այս կրթօճախի «Լասքին» հանրային կապերու դպրոցի սաներուն եւ դասախօսական կազմին առջեւ Հայաստանի պաշտպանութեան նախարարը հանդէս եկաւ հանրային առաջնորդութեան մասին դասախօսութեամբ:

Նախարարը ներկայացուց նաեւ Հայաստանի բանակաշինութեան եւ այս փուլին իրականացուող լայնածաւալ բարեփոխումներուն ընթացքը, մասնաւորապէս՝ «Ազգ-Բանակ» հայեցակարգն ու անոր ներդրումը հանրային կեանքի զանազան ոլորտներէն ներս: Ան անդրադարձաւ նաեւ ղարաբաղեան հակամարտութեան, Հայաստան-Թուրքիա յարաբերութիւններուն եւ տարածաշրջանային այլ հարցերու:

1115vikensarkisisan2

Նոյն օրը Վիգէն Սարգսեան հանդիպեցաւ Լոս Անճելըսի քաղաքապետ Էրիք Կարսեթիի հետ:  Այնուհետեւ նախարարը Հայաստանի Հանրապետութեան գլխաւոր հիւպատոսութեան մէջ ունեցաւ մամլոյ ասուլիս մը հայկական լրատուամիջոցներու ներկայացուցիչներու հետ, որոնց շարքին էին «Ասպարէզ»ի հայերէն եւ անգլերէն բաժիններու խմբագիրները:

13 Նոյեմբերի երեկոյեան, պաշտպանութեան նախարարի գլխաւորած պատուիրակութիւնը հիւրընկալուեցաւ Արեւմտեան Ամերիկայի Հայոց թեմի առաջնորդարանին մէջ: Հայկական կազմակերպութիւններու ղեկավարներու, համայնքային գործիչների հետ հանդիպումէն ետք Վիգէն Սարգսեան համայնքի մեծաթիւ ներկայացուցիչներուն առջեւ հանդէս եկաւ ծաւալուն ելոյթով, որուն հետեւցաւա հարցում-պատասխանի բաժին մը:

1115vikensarkisian1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

*

Top