Նոր Զելանտայի Հայկական Դպրոցը Պիտի Վերաբացուի

0000NEW-ZELAND

0000NEW-ZELAND

Նոր Զելանտայի մէջ այժմ կ՛ապրին շուրջ 200 հայեր: Անոնք Իրաքէն, Իրանէն, Լիբանանէն եւ Հայաստանէն են: Տեղւոյն հայերը կը բնակին Օքլատ եւ Ուլլինկթը քաղաքներուն մէջ: 1996էն կը գործէ Նոր Զելանտայի Հայկական միութիւնը, որուն նպատակն է հայապահպանումը եւ մանուկներու հայեցի դաստիարակութիւնը: Հայկական միութեան ղեկավար Նուպար Եագուպեան «Արմէնփրէս»ին յայտնած է, որ իրենք ջանք չեն խնայեր հայապահպանման ուղղուած աշխատանքներուն:

«Այստեղ հայ համայնքը քիչ է եւ ցրուած: 1996ին կը գործէր հայկական դպրոց մը, սակայն անիկա փակուեցաւ՝ նոր աշակերտներ չունենալուն պատճառով: Հայոց լեզուի պահպանման հարցը լուրջ հարց է: Կան խառն ամուսնութիւններ: Այժմ համայնքի ջանքերով կը նախատեսենք մօտիկ ապագային Օքլանտի մէջ վերաբանալ հայկական կիրակնօրեայ դպրոցը», ըսաւ Նուպար Եագուպեան:

Ըստ անոր՝ իրենք կը փորձեն կապ պահպանել Հայաստանի հետ՝ կրթական գործընթացները կազմակերպելու համար: Առցանց կը կազմակերպուի ուսուցիչներու վերապատրաստման դասընթացք: Դպրոցը բանալէն ետք դասընթացքները նաեւ առցանց պիտի ըլլան, որպէսզի Նոր Զելանտայի այլ քաղաքներու հայերը նոյնպէս միանան: Համացանցով պիտի միանան նաեւ մասնագէտներ Հայաստանէն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top