Ռայի Պատրիարքին Հետ Հանդիպումէն Ետք՝ Հարիրի Կը Խոստանայ Յառաջիկայ Երկու Օրերուն Պէյրութ Վերադառնալ

Ռայի պատրիարքը կը խորհրդակցի Սալման թագաւորին հետ
Ռայի պատրիարքը կը խորհրդակցի Սալման թագաւորին հետ

Ռայի պատրիարքը կը խորհրդակցի Սալման թագաւորին հետ

ՊԷՅՐՈՒԹ, «Ռոյթըրզ».- Երեքշաբթի, Նոյեմբեր 14ին, Լիբանանի հրաժարեալ վարչապետ Սաատ Հարիրի «Թուիթըր»ի վրայ գրած է, թէ յառաջիկայ երկու օրերուն Պէյրութ պիտի վերադառնայ՝ պնդելով, որ ազատ է նման ճամբորդութիւններ կատարելու։

Հարիրիի հրաժարականը մերժած Լիբանանի նախագահ Միշել Աուն ողջունեց Հարիրիի վերադարձին լուրը։

Նշենք, որ Հարիրի Ռիատի մէջ Երեքշաբթի օր հանդիպում մը ունեցած էր Լիբանանի մարոնի համայնքի Պշարա Ռայի պատրիարքին հետ, որ Սէուտական Արաբիա այցելող առաջին մարոնի պատրիարքը եղաւ: Ան հանդիպումներ ունեցաւ Սէուտական Արաբիոյ Սալման թագաւորին եւ Մուհամմատ պըն Սալման գահաժառանգ իշխանին հետ:

Միւս կողմէ, Նոյեմբեր 14ին Ֆրանսա այցելող Լիբանանի արտաքին գործոց նախարար Ժըպրան Պասիլ «Սի.Էն.Էն.»ի հետ ունեցած հարցազրոյցի մը ընթացքին յայտարարեց, թէ կը նախատեսուի, որ Հարիրի Չորեքշաբթի օր վերադառնայ Պէյրութ՝ նշելով, որ Հարիրի ի՛նք պիտի որոշէ, թէ վերստին պաշտօնապէս պիտի ներկայացնէ իր հրաժարականը կամ ոչ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top