Քանի Մը Տողով

 

– Ներկայացուցիչներու տունը որդեգրած է բանաձեւ մը, որ կը դատապարտէ Եմէնի մէջ քաղաքայիններ թիրախ դարձնող յարձակումները, միաժամանակ շեշտելով, որ ամերիկեան գործադիր իշխանութիւնները լիազօրուած են Եմէնի մէջ Սէուտական Արաբիոյ գործողութեանց օժանդակութիւն տրամադրելու։ Յատկանշական է, որ բանաձեւին նախնական տարբերակին մէջ նաեւ կը պահանջուէր կասեցնել ամերիկեան այդ  օժանդակութիւնները։

– Մայրաքաղաք Ուաշինկթընի մէջ սեւամորթներու յատկացուած իւրաքանչիւր 4 արձանի դիմաց կան 11 արձաններ, որոնք յատկացուած են երկրի քաղաքացիական պատերազմին ընթացքին Միացեալ Նահանգներէն անջատուելու պայքար մղած ղեկավարներու։

– Թուրքիոյ նախագահ Ռեչեփ Թայիփ Էրտողանի աշխատավարձը պիտի բարձրանայ 10.7 տոկոսով։ Ան 2018ի Յունուարէն սկսեալ պիտի ստանայ ամսական 10,550 տոլար։

– Նորվեկիական լրատուական կայք մը, իր էջերուն վրայ տեղադրուած յօդուածի կամ լուրի մը մասին մեկնաբանութիւն գրելու արտօնութիւն կու տայ միա՛յն այն ընթերցողներուն, որոնք տուեալ նիւթին մասին երեք հարցումներու ճշգրիտ պատասխաններ կրնան տալ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top