Ուաշինկթըն Մտահոգութիւն կը Յայտնէ Օտար Լրատուամիջոցները «Գործակալ» Դարձնող Ռուսական Որոշումին Գծով

Russian lawmakers vote the State Duma, the Lower House of the Russian Parliament in Moscow, Russia, Wednesday, Nov. 15, 2017. Russia's lower house of parliament on Wednesday unanimously approved a bill allowing the government to register international media outlets as foreign agents, a swift retaliation to the U.S. demands made to a Russian TV channel. (AP Photo/Alexander Zemlianichenko)

Russian lawmakers vote the State Duma, the Lower House of the Russian Parliament in Moscow, Russia, Wednesday, Nov. 15, 2017. Russia's lower house of parliament on Wednesday unanimously approved a bill allowing the government to register international media outlets as foreign agents, a swift retaliation to the U.S. demands made to a Russian TV channel. (AP Photo/Alexander Zemlianichenko)

ՈՒԱՇԻՆԿԹԸՆ, ՄՈՍԿՈՒԱ, «Ռոյթըրզ».- Սպիտակ տունը բաւարարուեցաւ «մտահոգութիւն» յայտնելով Ռուսիոյ խորհրդարանին կողմէ Նոյեմբեր 15ին վաւերացուած այն օրինագիծին նկատմամբ, որուն համաձայն՝ օտար երկիրներու լրատուամիջոցները պէտք է արձանագրուին իբրեւ «օտար գործակալ»ներ:

Ռուսական որոշումը հակադարձութիւն մըն է Քրեմլինի մօտիկ ռուսական «Առ.Թի.» կայանը «օտար գործակալ» որակելու Միացեալ Նահանգներու արդարադատութեան նախարարութեան որոշումին։

«Օտար գործակալներ» որակումը պարտադրութեան տակ պիտի դնէ մամլոյ ծառայութիւնները, որ պարբերաբար պետական իշխանութեանց ներկայացնեն իրենց նիւթական ունեցուածքը, անոնց աղբիւրները, ինչպէս նաեւ իրենց անձնակազմին մասին մանրամասնութիւններ:

Կ՛ակնկալուի, որ օրինագիծին առաջին թիրախները դառնան ամերիկեան այն լրատուամիջոցները, որոնք պետական օժանդակութիւն կը ստանան, ինչպէս՝ «Ամերիկայի Ձայն»ը եւ «Ազատ Եւրոպա-Ազատութիւն»ը: Անոնց կրնայ միանալ նաեւ «Սի.Էն. Էն.»ը, որ կը հալածուի Սպիտակ տան կողմէ։

Միջազգային Ներում իրաւապաշտպան միջազգային կազմակերպութիւնը յայտարարած է, որ եթէ օրինագիծը ի վերջոյ վերածուի օրէնքի, ապա անիկա ծանր հարուած պիտի հասցնէ Ռուսիոյ մէջ մամլոյ ազատութեան: Օրինագիծը օրէնքի վերածուելու համար, պէտք է վաւերացուի նաեւ Ծերակոյտին եւ նախագահ Վլատիմիր Փութինի կողմէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top