Զոհուած Եւ Հաշմանդամութիւն Ունեցող 38 Զինուորներու Ընտանիքներ Բնակարանի Վկայագիր Կը Ստանան

1207viken1

 

1207viken1ԵՐԵՒԱՆ.- Պաշտպանութեան նախարարութեան վարչական համալիրին մէջ, նախարար Վիգէն Սարգսեան Չորեքշաբթի, 6 Դեկտեմբերին բնակարանի վկայագիրներ յանձնեց զոհուած եւ առաջին կարգի հաշմանդամութիւն ունեցող 38 զինուորներու ընտանիքներուն:

Պաշտպանութեան նախարարը վկայագիրները յանձնելու ընթացքին յայտնեց, որ զոհուած զինուորներու եւ հաշմանդամ դարձած զինուորներու ընտանիքներուն աջակցութեան ծրագիրները միշտ կը գտնուին պետութեան ուշադրութեան կեդրոնին: «Պետութիւնը մեծ պարտք ունի զոհուած եւ հաշմանդամութիւն ունեցող զինծառայողների ընտանիքների առջեւ: Հետեւողական քայլեր մշտապէս կատարուել եւ շարունակելու են ձեռնարկուել մեր երկրի անվտանգութեան ու պաշտպանութեան համար իրենց կեանքը զոհած կամ առողջութիւնը վտանգած համաքաղաքացիների սոցիալական խնդիրները լուծելու համար: Պաշտպանութեան նախարարի պաշտօնը ստանձնելուց յետոյ ես փորձել եմ զոհուած զինծառայողների ընտանիքների եւ առաջին կարգի հաշմանդամութիւն ունեցողների խնդիրներին մօտենալ աւելի կանոնակարգուած ձեւով», ըսաւ նախարարը:

Պաշտպանութեան գերատեսչութեան ղեկավարը ներկայացուց մինչ այդ կատարուած հիմնական քայլերը՝ անոնցմէ առանձնացնելով յատկապէս Զինծառայողների ապահովագրութեան հիմնադրամի ստեղծման, հաշմանդամ զինուորներու համար վերականգնողական նոր կեդրոնի կառուցման եւ բնակարանային ապահովման նշեալ ծրագիրի ուղղութեամբ կատարուող գործնական քայլերը:

Անդրադառնալով առաջին խումբի զինուորական հաշմանդամութիւն ունեցող եւ զոհուած զինծառայողներու ընտանիքներուն տրուած բնակարաններու գնման վկայագիրներուն՝ պաշտպանութեան նախարարը ընդգծեց, որ այս գործընթացին մէջ երկար տարիներ օրէնսդրական կարգերու փոփոխութիւն չէ կատարուած, պարզապէս այդ գործընթացը արագացուած է՝ հիմք ընդունելով 20 Ապրիլին «Ազգ-բանակ» համաժողովին, Հայաստանի նախագահ Սերժ Սարգսեանի յանձնարարականը, ըստ որուն՝ վերոնշեալ հարցը պէտք է լուծուէր 3 տարուան ընթացքին: Սակայն համակողմանիօրէն ուսումնասիրելով հարցը՝ ճանապարհային ոստիկանութեան արտապիւտճէական միջոցներու, մասնաւորապէս՝ տեսախցկիներու արձանագրած խախտումներէն գոյացած գումարին մէկ մասը բնակարանային ապահովման նշեալ ծրագիրին ուղղորդելուն շնորհիւ, կարելի դարձած է հարցը լուծելու շատ կարճ ժամկէտի մը մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top