Հայաստան Համահայկական Հիմնադրամը 25րդ Տունը Օգտագործման Յանձնեց

1207kochari1

1207kochari1

ՍՏԵՓԱՆԱԿԵՐՏ.- .- 6 Դեկտեմբերին, Մարտունիի շրջանի Ճարտար համայնքին մէջ, Հայաստան համահայկական հիմնադրամը 4 սենեակնոց բնակարան նուիրեց Պօղոսեաններու բազմազաւակ ընտանիքին:

Ըստ «Արցախփրէս»ի՝ «Հայաստան» համահայկական հիմնադրամի Արցախի գրասենեակի ղեկավար Վալերի Ղազարեան յայտնեց, որ բնակարանը կառուցուած է Թորոնթոյի տեղական մարմինին շնորհիւ:

«Տան կառուցումը սկսած էր Հոկտեմբեր 2016ին: Բնակարանը ապահովուած է անհրաժեշտ բոլոր յարմարութիւններով. անիկա նաեւ կահաւորուած է», ըսաւ Ղազարեան:

Ըստ անոր՝ Հայաստան համահայկական հիմնադրամի Թորոնթոյի տեղական մարմինի բարերար Կարպիս Նորեանի միջոցներով Երեքշաբթի օր բնակարան մը յաձնուեցաւ Ասկերանի շրջանի Լուսաձոր համայնքին մէջ բնակող Պետրոսեաններու բազմազաւակ ընտանիքին:

Ան ըսաւ, որ  բազմազաւակ ընտանիքներուն բնակարաններով ապահովելու ծրագիրի շրջագիծին մէջ Հայաստան համահայկական հիմնադրամը 25րդ տունը շահագործման կը յանձնէ: Այս տարի բնակարան ստացա 12 ընտանիքներ: 10 այլ ընտանիքներ նոյնպէս տուն պիտի ստանան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top