ՀՅԴ Ներկայացուցիչները Կը Հանդիպին Քարվաճառի Եւ Կիչանի Բնակիչներուն Հետ

1212arfartsakh

1212arfartsakh

ՍՏԵՓԱՆԱԿԵՐՏ, «Ապառաժ».- Արցախի Հանրապետութեան Ազգային ժողովի «Դաշնակցութիւն» խմբակցութեան անդամները 8 Դեկտեմբերին հանդիպումներ ունեցան Շահումեանի շրջանի Քարվաճառ քաղաքի եւ Մարտակերտի շրջանի Կիչան գիւղի բնակիչներու հետ:

Քարվաճառ քաղաքին մէջ տեղի ունեցած հանդիպման, որուն ներկայ էին Ազգային ժողովի փոխնախագահ Վահրամ Բալայեան եւ պատգամաւոր Լեռնիկ Յովհաննիսեան, բնակիչները արծարծեցին վերաբնակիչներու համար նոր բնակարաններու կառուցման, վերաբնակիչներու համար տնտեսական նպաստաւոր պայմաններու ապահովման մասին հարցեր:

Կիչան գիւղին մէջ տեղի ունեցած հանդիպման ընթացքին «Դաշնակցութիւն» խմբակցութենէն  ներկայ էին Ալիոշա Գաբրիէլեան, Ռիտա Մնացականեան եւ Գէորգի Պետրոսեան:

Կիչան գիւղի բնակիչները յուզող հարցերէն էին Նոր Կիլիկիա բնակավայրի տուներու յանձնման, բնակեցման եւ բնակավայրի կարգավիճակին վերաբերող հարցեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top