Հայաստան Համահայկական Հիմնադրամը Կը Սկսի Գործակցութեան Առաջին Քայլերուն Արժանթինի Կառավարութեան Հետ

ԵՐԵՒԱՆ.- Հայաստան համահայկական հիմնադրամը կը սկսի գործակցութեան առաջին քայլերուն Արժանթինի կառավարութեան հետ: Հիմնադրամի հասարակայնութեան հետ կապերու ծառայութենէն կը յայտնեն, որ ուղղութիւններէն մէկը գիւղատնտեսութիւնն է, որուն արժենթինեան դրական փորձը կիրառելու հնարաւորութիւնը դիտարկելու համար Հայաստանի մօտ Արժանթինի դեսպան Կոնզալօ Ուրիոլապէիթիա այցելեց Տաւուշի մարզի Խաչարձան համայնք:

Դեսպանը ծանօթացաւ գիւղատնտեսական զարգացման ծրագիրներուն, որոնք Հայաստան համահայկական հիմնադրամի միջոցով իրագործած է արժանթինահայ համայնքը: Դեսպան Ուրոլիապէիթիա ներկայ գտնուեցաւ նաեւ ջերմոցներու շարունակական ծրագիրով  իրականացուող վիճակահանութեան, որով ընտրուեցան Խաչարձանի մէջ եւս երկու ջերմոցներու շահառուները: Հիմնադրամը այս ծրագիրի ծիրին մէջ Տաւուշի մարզին մէջ բացած է արդէն 100 ջերմոց:

Խաչարձանի մէջ արժանթինահայ առաջին ներդրողներէն է Գալճեան ընտանիքը: Անոնց ֆինանսաւորումով վերակառուցուած է գիւղի դպրոցը, Խաչարձանի մէջ կառուցուած է բժշկական եւ համայնքային կեդրոն: Այնուհետեւ, Գալճեաններուն միացած են արժանթինահայ այլ ընտանիքներ, որոնց շարքին՝ Աւագեան ընտանիքը, որ Թերզեան ընտանիքին հետ մասնակցած է խմելու ջուրի համակարգի կառուցման: Թերզեան ընտանիքը, իր կարգին, հովանաւորած է գիւղին մէջ մարզահամալիրի կառուցումը, որ նուիրուած է անոնց դստեր Մարիա Թերզեանի յիշատակին: Սարգիս եւ Ծովինար Անակներու ընտանիքը հիմնած է Հաւատքի պուրակը, որուն բացման ընթացքին մկրտուած են գիւղի 130 բնակիչներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top