Պետրոս Տէր Մաթոսեան Հայագիտական Ուսմանց Ընկերակցութեան Ատենապետ Կ՛ընտրուի

0000Bedross Der Matossian

 

0000Bedross Der MatossianՖՐԵԶՆՕ.- Հայագիտական Ուսմանց ընկերակցութեան նոր վարչութիւնը, Դեկտեմբեր 6ին գումարած իր անդրանիկ նիստին, ատենապետ ընտրած է Նըպրասքայի համալսարանի Լինքընի մասնաճիւղէն դասախօս Պետրոս Տէր Մաթոսեանը, իսկ փոխնախագահ՝ Վարդան Մաթոսեանը (Նիւ Եորքի Հայ Ազգային կրթական յանձնախումբէն)։ Վարչութեան քարտուղար ընտրուած է «Քոլոմպիա» համալսարանէն Խաչիկ Մուրատեան, իսկ գանձապահ՝ Վահէ Սահակեան, Միշիկընի համալսարանի Էն Արպըրի մասնաճիւղէն։ Վարչութեան խորհրդական անդամներն են՝ Էլիսըն Վաքա (Թենըսիի համալսարանի Նաքսվիլի մասնաճիւղ), Պարլօ Տէր Մկրտիչեան (Քալիֆորնիոյ Նահանգային համալսարանի Ֆրեզնոյի մասնաճիւղ) եւ Արփի Սիահեան (Նըպրասքայի համալսարանի Լինքընի մասնաճիւղ)։

Ընտրութեան աւարտին, Պետրոս Տէր Մաթոսեան շնորհակալութիւն յայտնեց ընկերակցութեան նախորդ նախագահ Պարլօ Տէր Մկրտիչեանին եւ խորհրդական Լիլիթ Քէշիշեանին (Քալիֆորնիոյ համալսարանի Լոս Անճելըսի մասնաճիւղ) իրենց տարած արգասաբեր աշխատանքին համար, որ նպաստած էր ընկերակցութեան առաքելութիւնը յառաջ տանելու ջանքերուն։

Տէր Մաթոսեան, որ աւելի քան տասնամեակէ մը ի վեր անդամ է ընկերակցութեան վարչութեան, իրեն համար մեծ պատիւ համարած է իր նոր պաշտօնը՝ խոստանալով վարչութեան աշխոյժ անդամներուն հետ իրականացնել հայագիտութեան ընդարձակման ի նպաստ շարք մը նախաձեռնութիւններ, միաժամանակ ընդարձակելով իր անդամներուն շրջանակը։

Գիտաժողովներ, դասախօսութիւններ եւ աշխատանիստեր կազմակերպելու կողքին, 1974ին հիմնուած Հայագիտական ուսմանց ընկերակցութիւնը (SAS) կը հրատարակէ նաեւ իր պաշտօնաթերթը՝ խմբագրութեամբ Սերճիօ Լա Փորթայի (Քալիֆորնիոյ Նահանգային համալսարանի Ֆրեզնոյի մասնաճիւղ), ինչպէս նաեւ տեղեկատու մը, որ կը հրատարակուի տարին երկու անգամ:

Ընկերակցութիւնը ներկայիս հաստատուած է Քալիֆորնիոյ Նահանգային համալսարանի Ֆրեզնոյի մասնաճիւղին մէջ։ Անոր մասին յաւելեալ տեղեկութեանց կամ անոր գործունէութեան աջակցելու համար, այցելել

societyforarmenianstudies.com կայքը կամ դիմել barlowd@csufresno.edu եւ bdermatossian2@unl.edu հասցէներուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top