Արցախի Մէջ Զբօսաշրջիկներու Այցելութիւնները 41 Տոկոսով Աճած Են

0113ardag

0113ardagՍՏԵՓԱՆԱԿԵՐՏ.- Արցախի մէջ, 2017ին, զբօսաշրջիկներու այցելութիւնները 2016 տարեշրջանին հետ համեմատած՝ աճած են 41 տոկոով: Նոյն ցուցանիշը 2015ի հետ համեմատած՝ աճած է շուրջ 30 տոկոսով, կը հաղորդէ Արցախի Հանրապետութեան մշակոյթի, երիտասարդութեան հարցերու եւ զբօսաշրջութեան նախարարութեան առընթեր Զբօսաշրջութեան վարչութեան պետ Արտակ Գրիգորեան:

«Մենք նաեւ ցուցանիշերը կը համեմատենք 2015ի հետ, որովհետեւ յայտնի է, որ 2016ին զբօսաշրջութեան բնագաւառին մէջ ունեցանք անկում: Երբ կը խօսինք զբօսաշրջութեան աճին մասին, միայն 2017ին կատարուած աշխատանքին արդիւնքը չէ, այլ վերջին տարիներու բուռն քարոզարշաւին շնորհիւ է», ըսաւ Գրիգորեան:

Զբօսաշրջիկներու աշխարհագրական պատկերը տարուէ տարի կ՛ընդարձակուի: Այցելութիւններու թիւով առաջինը Ռուսիոյ քաղաքացիներն են, այնուհետեւ՝ Միացեալ Նահանգներու, Ֆրանսայի, Իրանի եւ այլն: Արցախի զբօսաշրջութեան տեղեկատուական կեդրոններու միջոցով կատարուած ուսումնասիրութիւնը ցոյց կու տայ, որ զբօսաշրջիկներու հետաքրքրութիւններու շրջանակին մէջ են հիմնական զբօսաշրջութեան վայրերը, մասնաւորապէս՝ Ստեփանակերտը, Շուշին, Գանձասարը եւ Տիգրանակերտը, որոնք այցելութիւններու քանակի աճ ունին:

«Կը նախատեսենք մասնակցիլ միջազգային ցուցահանդէսներու: Այս տարի Ռուսիայէն կը սպասենք այցելութիւններու աճ, որովհետեւ այս շուկան թիրախ ընտրած ենք: Կ՛աշխատինք նաեւ եւրոպական ուղղութեամբ», բացատրեց Գրիգորեան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top