Քննարկուեցաւ Ջերմուկի Զարգացման Ծրագիրը

0113davitlokian

 

0113davitlokian

ԵՐԵՒԱՆ, «Երկիր Մեդիա».- Տարածքային կառավարման եւ զարգացման նախարար Դաւիթ Լոքեանի նախագահութեամբ՝ Ուրբաթ, 12 Դեկտեմբերին տեղի ունեցաւ Ջերմուկ քաղաքի զարգացման ծրագիրին շուրջ աշխատանքային խորհրդակցութիւն:

Խորհրդակցութեան մասնակցեցան կառավարութեանն առընթեր Քաղաքաշինութեան պետական կոմիտէի նախագահ Նարեկ Սարգսեան, Տարածքային զարգացման հիմնադրամի գործադիր տնօրէն Աշոտ Կիրակոսեան, Ջերմուկի քաղաքապետ Վարդան Յովհաննիսեան եւ «Երեւան նախագիծ» հիմնարկութեան տնօրէն Սուրէն Օհանեան:

Քննարկուեցաւ Ջերմուկ քաղաքի զարգացման 2018ի ծրագիրը, մասնաւորապէս՝ ներդրումային նոր ծրագիրներու ձեւաւորման եւ դրամական միջոցներու ներգրաւման վերաբերող հարցերը:

Հանդիպման ընթացքին անդրադարձ կատարուեցաւ նաեւ պետութիւն-մասնաւոր հատուած համագործակցութեան վերաբերող հարցերուն:

Բացի արդէն սահմանուած ծրագիրներէն առաջարկեց իրականացնել Ջերմուկ քաղաքի զբօսայգիի բարեկարգումը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top