Արմաւիրի Մարզին Մէջ Հնագէտները Բացայայտած Են Ք.ա. 7-րդ Հազարամեակի Բնակատեղի

0113armavir

0113armavir

ԵՐԵՒԱՆ.- Հայաստանի Արմաւիրի մարզի Լեռնագոգ գիւղին մօտակայքը հնագէտները նոր բացայայտում կատարած են: «Լեռնագոգ-1» հնավայրին մէջ բացայայտուած է տարածք մը, որ կը թուագրուի Ն.Ք. 8րդ հազարամեակի վերջով եւ 7րդ հազարամեակի սկիզբով: Այս մասին լրագրողներու հետ տեղի ունեցած հանդիպման մը ընթացքին ըսաւ ՀՀ ԳԱԱ Հնագիտութեան եւ ազգագրութեան հիմնարկի տնօրէն Պաւել Աւետիսեան:

«Առաջին անգամ այս տարածաշրջանին մէջ արձանագրած ենք կայուն բնակատեղի, որուն ստորին շերտերը կը թուագրուին Ն.Ք. 8րդ հազարամեակի վերջով եւ 7րդ հազարամեակի սկիզբով: Մինչ այդ Հայաստանի տարածքին հնագոյն բնակատեղիներու շերտերը առաւելագոյնը, որ կրնայինք թուագրել Ն.Ք. 6րդ հազարամեակի առաջին քառորդն էր: Ասիկա 2017ի հիմնարար հետազօտութիւններու փայլուն արդիւնքներէն է», յայտնեց Պաւել Աւետիսեան:

Ուսումնասիրութիւնները ցոյց տուած են, որ բնակատեղիին մէջ ապրող հասարակութիւնը տիրապետած է որոշ ճարտարապետական հմտութիւններու: Ըստ ՀՀ ԳԱԱ Հնագիտութեան եւ ազգագրութեան հիմնարկի գիտաշխատող Արթուր Պետրոսեանի՝ այդ հատուածին մէջ գտնուած են կաւէ շինութեան հետքեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top