Էտուարտօ Էռնեկեան Կը Պատրաստուի Իր Գործառնութեան Կառավարումը Զարմիկին Փոխանցելու

0000EDWARDO

 

0000EDWARDO

«Հայերն Այսօր».- Յայտնի արժանթինահայ գործարար Էտուարտօ Էռնեկեան կը պատրաստուի իր գործարարութեան կառավարումը զարմիկին՝ Մարտին Էռնեկեանին փոխանցելու: Այս մասին ան յայտնեց «Պլումպըրկ» լրատուական ընկերութեան (Bloomberg) հետ հարցազրոյցի մը ընթացքին:

Գործարարը կը պատրաստուի Յունուարի վերջաւորութեան վաճառել Corporacion America Airports SA ընկերակցութեան բաժնետոմսերը։ Անոր կը պատկանի աշխարհի մէջ 51 օդակայաններու կառավարման պայմանագիրը (մենաշնորհ-Հ.Ա): Բաժնետոմսերու արժէքը 750 միլիոն տոլար է: Անոր 39ամեայ զարմիկը պիտի զբաղի վաճառքով եւ պիտի կանգնի Էռնեկեանի գործառնութեան ղեկին: «Ես այս գործարքին կը հետեւիմ այս ամիս, եւ օդակայաններուն մէջ իմ գործը կ՛աւարտի», յայտարարեց Է. Էռնեկեան:

Բաժնետոմսերու վաճառքը Էռնեկեանի համար նոր փուլի մը սկիզբը կը նշէ: «Սակայն 85ամեայ ձեռներէցը, որ կ՛ըսէ, թէ ինք դեռեւս ամէն օր կը լողայ եւ եոկայով կը զբաղի, տեսադաշտէն չ՛անհետանար: Որդին հայ գաղթականներու, որոնք փախած էին 20րդ դարասկիզբի Ցեղասպանութենէն, կը նշէ, որ ամէնօրեայ պարտականութիւններու փոխանցումը զինք կ՛ազատէ գործարարութեան նոր ուղղութիւնները ուսումնասիրելու համար»,  ըստ «Նիուզ»ի՝ նշուած է յօդուածին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top