Ճորտ Մարտիկեանի Յիշատակին Նուիրուած Ձեռնարկը՝ Փետրուար 10ին

0000martikian2

0000martikian1

ՄՈՆԹԵՊԵԼԼՕ.- Շաբաթ, Փետրուար 10ին, երեկոյեան ժամը 6էն սկսեալ, Ս. Խաչ Մայր տաճարի «Բաղրամեան» սրահին մէջ տեղի պիտի ունենայ Ճորճ Մարտիկեանի յիշատակին նուիրուած ձեռնարկ մը, ի մի բերելով Համաշխարհային Բ. պատերազմէն ետք Միացեալ Նահանգներ հաստատուած ռուսահայ գաղութի ներկայացուցիչները։

Ձեռնարկը կը վայելէ հովանաւորութիւնը Արեւմտեան թեմի առաջնորդ Մուշեղ արք. Մարտիրոսեանի եւ համահովանաւորութիւնը շրջանի «Դրօ» կոմիտէին, Մեսրոպեան Ազգ. վարժարանին եւ Ճորճ Մարտիկեանի ժառանգը մեծարող յանձնախումին՝ ատենապետութեամբ Գոհարիկ Կապ-րիէլի։

0000martikian2Ճորճ Մարտիկեան հիմնադիրներէն մէկն էր Անտունի հայերու օժանդակութեան Հայ ազգային յանձնախումբին, որ 1940ականներէն մինչեւ 80ականները՝ Եւրոպայէն, Միջին Արեւելքէն եւ մինչեւ իսկ Չինաստանէն մօտաւորապէս 25,000 հայեր Միացեալ Նահանգներ տեղափոխելու գործին օժանդակած է։ Անոնց մէջ եղած են նաեւ  Մեսրոպեան Ազգ. վարժարանի հիմնադիրներէն ոմանք, ուստի ձեռնարկին հասոյթը պիտի տրամադրուի այդ վարժարանին։

Ձեռնարկի հանդիսավարն է Տէյվիտ Մոսիկեան, իսկ գեղարուեստական յայտագիրին պիտի մասնակցի «Հօշարեան» նուագախումբը։

Յաւելեալ տեղեկութեան կամ տեղեր ապահովելու համար, դիմել (562) 699-2057, (323) 440-7297 եւ (562) 201-1670 թիւերուն, կամ՝ info@mesrobian.org հասցէին։ Կը խնդրուի տեղեր ապահովել մինչեւ Յունուար 28։

 

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top