Հայաստանի Մէջ Իսլամական Տիրակալութեան Մասին Ղեւոնդ Պատմիչի Գործին Նուիրուած Քննարկում

0000La Porta
0000La Porta

Դոկտ. Սերճիօ Լա Փորթա

ՖՐԵԶՆՕ.- Քալիֆորնիոյ Նահանգային համալսարանի Ֆրեզնոյի մասնաճիւղի Հայագիտական ծրագիրին կազմակերպութեամբ, Ուրբաթ, Յունուար 26ին, երեկոյեան ժամը 7:30ին, համալսարանի Գործարարական բաժանմունքի «Ալիս Փիթըրզ» սրահին մէջ (թիւ 191) տեղի պիտի ունենայ Հայաստանի մէջ իսլամական տիրակալութեան նախնական շրջանին մասին 8րդ դարու պատմիչ Ղեւոնդի գործին նուիրուած քննարկում մը: Ձեռնարկին համահովանաւորն է «Լիան Փիթըրզ» հիմնարկը։

Ընթացքին պիտի բանախօսեն հայագիտականի դասախօսներէն դոկտ. Սերճիօ Լա Փորթա եւ Թենըսիի համալսարանէն դոկտ. Էլիսըն Վաքա։

Ղեւոնդ վարդապետ գրած է Հայաստանի 632-788 թուականներու պատմութիւնը, իբրեւ դէպքերու մէկ մասին ականատեսը: Ղեւոնդը Հայաստանի մէջ արաբական տիրապետութեան հաստատման, նուաճող արաբներուն դէմ հայերու պայքարին եւ յատկապէս 703, 748, 762 եւ 774-775 թուականներու ապստամբութիւններուն մասին

0000Alison Vacca

Դոկտ. Էլիսըն Վաքա

գիտելիքներու հիմնական աղբիւրն է: Ան մեծ ուշադրութիւն դարձուցած է նաեւ երկրի ներքին կեանքին վրայ եւ փոխանցած է Մեծ Հայքի, Աղուանքի եւ Վիրքի մէջ արաբներուն վարած հարկային քաղաքականութեան նկարագրութիւնը: Գիրքին մէջ կայ նաեւ արաբ «խալիֆա» Օմար Բ.ի եւ բիւզանդական կայսր Լեւոն Գ.ի՝ դաւանաբանական հարցերով նամակագրութիւնը, որուն յունարէն բնագիրը անհետացած է:

Նշեալ ներկայացումը մաս կը կազմէ համալսարանի Հայագիտական ծրագիրի աշնանային դասախօսութեանց շարքին: Բանախօսութեան մուտքը ազատ է, եւ նշեալ հատորէն օրինակներ տրամադրելի պիտի ըլլան:

Յաւելեալ տեղեկութեանց համար, դիմել (559) 278-2669 թիւին, կամ այցելել www.fresnostate.edu/armenianstudies կայքէջը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top