Ճօէն Աղաճանեան-Քուին Պիտի Մեծարուի Հայ Կանանց Միջազգային Միութեան Կողմէ

0000joanlunch

0000joanlunchՍԱՔՐԱՄԵՆԹՕ.- Արուեստներու երկար տարիներու գործօն ջատագով, խմբագիր եւ լրագրող Ճօէն Աղաճանեան-Քուին, որ անցեալ տարի «Էլիս Այլընտ»ի շքանշանին արժանացած էր, Շաբաթ, Յունուար 28ի կէսօրին կայանալիք ճաշկերոյթի մը ընթացքին պիտի մեծարուի Հայ կանանց միջազգային միութեան Լոս Անճելըսի մասնաճիւղին կողմէ։

Ճաշկերոյթը տեղի պիտի ունենայ «Mr. C» պանդոկին մէջ (1224 Beverwil Dr, Los Angeles, CA 90035)։

Մշակութային, բարեգործական ու կրթական շարք մը նախաձեռնութեանց նեցուկ կանգնելու եւ կազմակերպութեան անդամակցելու կողքին, Ճօէն Աղաճանեան-Քուին 1997էն ի վեր անդամ է նաեւ Հայ կանանց միջազգային միութեան Լոս Անճելըսի մասնաճիւղին եւ կը հանդիսանայ ՄԱԿի ոչ-կառավարական կազմակերպութեանց մարմինին մօտ անոր ներկայացուցիչը։ Ան 2016ին մեծարուած էր նաեւ Քալիֆորնիոյ Արուեստներու խորհուրդին կողմէ, իբրեւ այդ մարմինին ամենաերկար սպասարկած անդամը:

Ճաշկերոյթի մասնակցութեան սակը 125 տոլար է. ձեռնարկի հասոյթէն մաս մը պիտի տրամադրուի Հայ կանանց միջազգային միութեան նախաձեռնութիւններուն։ Տեղեր ապահովելու համար, դիմել (323) 931-8088, (213) 509-4337, (310) 472-2454 եւ (310) 625-1199 թիւերուն, կամ՝ aphillips@pmcos.com եւ hyeLil@aol.com հասցէներուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top