2018ին Կը Ծրագրուին Հայ-Ամերիկեան Պաշտպանական Խորհրդակցութիւններ

0117vikensarkesian

 

0117vikensarkesianԵՐԵՒԱՆ, «Ռազմինֆօ».- Երեքշաբթի, 16 Յունուարին, պաշտպանութեան նախարար Վիգէն Սարգսեան ընդունեց Հայաստանի մօտ Ամերիկայի Միացեալ Նահանգներու արտակարգ եւ լիազօր դեսպան Ռիչըրտ Միլզը:

Կողմերը ամփոփեցին պաշտպանութեան բնագաւառէն ներս հայ-ամերիկեան համագործակցութեան ծիրին մէջ 2017ին կատարուած աշխատանքները եւ նախանշեցին 2018ի համագործակցութեան հիմնական ուղղութիւնները:

Հանդիպման ընթացքին պայմանաւորուածութիւն ձեռք բերուեցաւ 2018ին Երեւանի մէջ հայ-ամերիկեան երկկողմ պաշտպանական խորհրդակցութիւններ իրականացնելու ուղղութեամբ:

Պաշտպանութեան նախարար Վիգէն Սարգսեան համառօտ կերպով ներկայացուց այն ուղղութիւնները, որոնք պիտի ընդգրկուին զինուած ուժերու արդիականացման 7ամեայ ծրագիրին մէջ եւ որոնց շուրջ կ՛ակնկալուի զարգացնել համագործակցութիւնը Ամերիկայի Միացեալ Նահանգներու հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top