«Կայուն Դպրոցական Սնունդ» Ծրագիրը Շարունակական Պիտի Ըլլայ

0117nutrition

 

0117nutrition

ԵՐԵՒԱՆ.- Կրթութեան եւ գիտութեան նախարար Լեւոն Մկրտչեան Երեքշաբթի, 16 Յունուարին, իր գրասենեակին մէջ ընդունեց ՄԱԿի Պարէնի համաշխարհային ծրագիրի տարածաշրջանային տնօրէնի տեղակալ Քարլօ Սգարամելլան,  քաղաքականութեան եւ ծրագիրներու վարչութեան ղեկավար Տէյվիտ Ռիկեմպախը, հայաստանեան գրասենեակի տնօրէնի ժամանակաւոր պաշտօնակատար Ճանքարլօ Ստոպոնին եւ ծրագիրներու բաժինի ղեկավար Կերտ Պուտան:

Ողջունելով հիւրերը, նախարարը գնահատեց Պարէնի համաշխարհային ծրագիրին հետ համագործակցութիւնը, մասնաւորապէս՝ «Կայուն դպրոցական սնունդ» ծրագիրը: Լեւոն Մկրտչեան պատրաստակամութիւն յայտնեց Հայաստանի արդիւնաւէտ փորձը փոխանցել ծրագիրով հետաքրքրուած այլ երկիրներու:

Կողմերը անդրադարձան 2019-23 Պարէնի համաշխարհային ծրագիրի եւ Հայաստանի կառավարութեան միջեւ համաձայնեցուած ռազմավարական ծրագիրի ընդունման անհրաժեշտութեան, ինչպէս նաեւ կարեւոր նկատեցին ծրագիրի հետեւողական շարունակականութիւնը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top