Իսրայէլէն Կը Պահանջուի Բացայայտել Առեւանգուած Իրանցի Դիւանագէտներուն Ճակատագիրը

0110Dahkan

 

0110Dahkan

ԹԵՀՐԱՆ, «Իրնա»- Իրանի զինեալ ուժերու հրամանատարի՝ զինուորական արդիւնաբերութեան հարցերով օգնական Հիւսէյն Տահքան յայտնեց, որ Թեհրանի կարծիքով՝ Լիբանանի մէջ առեւանգուած չորս դիւանագէտները տակաւին ողջ են: Ան աւելցուց, որ 1982ին Պէյրութի մէջ առեւանգուած իրանցի չորս դիւանագէտները «Իսրայէլի գործակալներուն կողմէ յանձնուեցան սիոնական գոյացութեան»:

«Սիոնական գոյացութիւնը պէտք է կրէ իր պատասխանատուութիւնը եւ բացայայտէ առեւանգուած չորսին ճակատագիրը», նշեց ան:

Յիշեցնենք, որ իրանցի լուսանկարիչ մը եւ երեք դիւանագէտներ առեւանգուած էին Իսրայէլի Լիբանան ներխուժման ընթացքին: Իսրայէլ կը մերժէ զանոնք առեւանգելու մասին իր հասցէին կատարուած ամբաստանութիւնները՝ պնդելով, որ անոնք հաւանաբար առեւանգուած են լիբանանեան զինեալ խմբաւորումի մը կողմէ եւ կարճ ժամանակ ետք սպաննուած են:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top