Ամերիկահայ Բժշկական Ընկերակցութեան Կրթանպաստները Կը Յանձնուին Անոր Խորհրդատուական Ձեռնարկին Ընթացքին

0000AAMS-Professional-Mentors

 

0000AAMS-Professional-Mentors

ԿԼԵՆՏԷՅԼ.- Ամերիկահայ բժշկական ընկերակցութեան խորհրդատուական տարեկան ձեռնարկը տեղի ունեցաւ Դեկտեմբեր 27ին, ի մի բերելով այդ ասպարէզը նոր մուտք գործելու պատրաստուող ուսանողներ՝ այդ մարզին մէջ յատկանշական փորձառութիւն ձեռք ձգած արհեստավարժներու հետ, ինչ որ կը հանդիսանայ կենսական փորձառութեան փոխանցման իւրայատուկ նախաձեռնութիւն մը։

Խորհրդատուական այս ձեռնարկի հիմնադիր տոքթ. Ռաֆֆի Թաշճեան շնորհակալութիւն յայտնեց բոլոր մասնակիցներուն՝ յոյս յայտնելով, որ բժշկական ասպարէզ նետուիլ պատրաստուողները կը դառնան բժշկութեան ու առողջապահութեան մարզի առաջնորդող դէմքերը։

Նոյն ձեռնարկը նաեւ առիթ հանդիսացաւ յանձնելու Ամերիկահայ բժշկական ընկերակցութեան այս տարուան կրթանպաստները։

Այս տարի կրթանպաստ ստացող ուսանողներն էին՝ Լինա Յակոբեանս (տոքթ. Նորիկ Պօղոսեանի յիշատակի կրթանպաստ), Լիօլիա Յովհաննիսեան (Ամերիկահայ բժշկական ընկերակցութեան կրթանպաստ), Մերի Քիլէճեան (տոքթ. Վահան Անանեանի յիշատակի կրթանպաստ), Ալին Փողարեան (Հայկուշ Աճտահարեանի յիշատակի կրթանպաստ) եւ Արմէն Զէյթճեան (Լիան Նահապետեանի յիշատակի կրթանպաստ)։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top