Տեղեկատուական Արհեստագիտութեան Ոլորտի Մրցանակաբաշխութիւնը Հեղինակաւաոր Մարդիկ Բերած Է Հայաստան

0118serj

 

0118serjԵՐԵՒԱՆ.- Նախագահ Սերժ Սարգսեան Չորեքշաբթի, 17 Յունուարին, հանդիպեցաւ Տեղեկատուական Արհեստագիտութեան (ՏԱ) ոլորտի համաշխարհային մրցանակաշխութիւն կազմակերպող յանձնախումբի անդամներուն հետ: Մրցանակը հաստատուած է Հայաստանի նախագահի հրամանագիրով:

Հանդիպման մասնակիցները համակարծիք են, որ հասած են մրցանակաբաշխութեան հետապնդած գլխաւոր նպատակներուն. անցեալ ութ տարիներուն ընթացքին Հայաստան այցելած են ՏԱ ոլորտի զարգացման գործին համաշխարհային մակարդակով բացառիկ ներդրում ունեցած եւ մեծ հեղինակութիւն վայելող ութ մրցանակակիրներ: Հայաստանի մասնագէտներու եւ երիտասարդներու հետ անոնց հանդիպումները մեծ ոգեւորութիւն յառաջացուցած են:  Ըստ կազմակերպիչներուն՝ նպատակներէն մէկը մրցանակաբաշխութեան միջոցով Հայաստանը աշխարհին ճանչցնելն է՝ իբրեւ բարձր արհեստագիտութեանց զարգացող կեդրոն: Այդ ուղղութեամբ, ըստ հանդիպման մասնակիցներուն, ջանքերը առաւել արդիւնաւէտ դարձնելու հարց կայ, եւ այդ նպատակով այժմ աշխատանքներ կը տարուին:

Մրցանակաբաշխութեան կազմակերպիչները գոհունակութեամբ արձանագրեցին, որ Հայաստան այցելած մրցանակակիրները երկրէն հեռացած են մեծ տպաւորութիւններով. անոնցմէ երեքը շարունակած են համագործակցութիւնը եւ գործնական քայլերով ամրապնդած են Հայաստանի հետ կապը. «Սիսքօ» (Cisco) ընկերութեան զարգացման գծով նախագահ Մարիօ Մացցոլա մեծ գումար նուիրած է Հայաստանի Ամերիկեան համալսարանին, «Կասպերսկու լաբորատորիա»ի գլխաւոր տնօրէն Եւգենի Կասպերսկի համագործակցութեան յուշագիր ստորագրած է Հայ-ռուսական համալսարանին հետ, իսկ «Հիթաշի» ընկերութեան նախկին գործադիր տնօրէն Ցուկիօ Մաքիմոթօ իր այցի տպաւորութիւններով գիրք հրատարակած է՝ «Հայաստան՝ Իբրեւ Նորարարական Երկիր» վերնագիրով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top