Կարէն Կարապետեան Կ՛անդրադառնայ Վառելանիւթի Թանկացումին

0118karenkarapetyan

 

0118karenkarapetyan

ԵՐԵՒԱՆ, «Արմէնփրէս».-  Հայաստանի Հանրապետութեան վարչապետ Կարէն Կարապետեան Չորեքշաբթի, 17 Յունուարին, խորհրդարանական քննարկումներու ընթացքին անդրադարձաւ վերջին շրջանին արձանագրուած կարգ մը ապրանքներու գիներու թանկացման:

Ազգային ժողովին մէջ կառավարութեան հետ հարցում-պատասխանի ատեն, պատասխանելով «Ծառուկեան» խմբակցութեան պատգամաւոր Շաքէ Իսայեանի հարցումին՝ վարչապետը նախ ընդգծեց, որ պաշտօնական գնաճը Հայաստանի մէջ 2.6 տոկոս է, Վրաստանի մէջ՝ 6.7 տոկոս, Ատրպէյճանի մէջ՝ 7.9 տոկոս:

Ապա վարչապետը անդրադարձաւ պենզինի, խտացուած կազի եւ տիզելային վառելիքի թանկացման:

Վարչապետը նշեց, որ պենզինը թանկացած է 20 դրամով:

«Այս պահին Վրաստանում բենզինի գինն աւելի բարձր է այն դէպքում, երբ մենք բենզինը մեր երկիր տրանզիտով բերում ենք հէնց Վրաստանից: Բացի այդ, Բենզինի օգտագործողը ունի այլընտրանք՝ սեղմած գազը: Գազը թանկացել է 20 դրամով, դարձել է 190-220 դրամ: Սեղմած գազի դէպքում վերականգնուել է այն գինը, որ եղել է 2015թ.: Լաւ չէ, որ թանկացել է սեղմած գազի գինը, սակայն սա նոր պահանջ չէ, քանի որ մենք շուկայում այս գնով աշխատել ենք եւ այն ժամանակ էժանացրել ենք, քանի որ այդպիսի հնարաւորութիւն է եղել», մանրամասնեց վարչապետը, աւելցնելով, որ խտացուած կազի գինը դրացի Վրաստանի մէջ նոյնպէս բարձրացած է:

Անդրադառնալով տիզվառելիքի թանկացման՝ վարչապետը ընդգծեց, որ վառելիքի այս տեսակի թանկացումը որոշ կերպով կրնայ վնասել գիւղատնտեսութեան: Կարապետեան տեղեկացուց, որ գիւղատնտեսութեան նախարարութիւնը հաշուարկներ կատարած է եւ պարզած, ո՛ր գիւղատնտեսական ապրանքները կրնան այդ պատճառով սղիլ: Ան շեշտեց, որ կառավարութիւնը այս հանգրուանին կը քննարկէ գիւղատնտեսութեան համար տիզվառելիքի ձեռքբերման աջակցիլ, նուազ գինով զայն սպառողներուն տարմադրելով:

Վարչապետը կը հաւատայ, որ վառելանիւթի գիներու աճը խնդրայարոյց չէ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top