Ուաշինկթըն Կը Կրճատէ Պաղեստինցիներուն Նպաստը

ՌԱՄԱԼԼԱ, ՈՒԱՇԻՆԿԹԸՆ, «Ռոյթըրզ».- Պաղեստինի ազատագրութեան կազմակերպութեան (ՊԱԿ) կեդրոնական խորհուրդը, կազմակերպութեան գործադիր մարմինէն պահանջեց առկախել Իսրայէլի ճանաչումը եւ դադրեցնել անոր հետ ապահովական համակարգումը: Խորհուրդի որոշումները որդեգրուեցան 72 թեր, 3 դէմ եւ 10 ձեռնպահ քուէարկութեամբ: Նիստէն կը բացակայէին երկու անդամներ: Խորհուրդը նաեւ արաբական պետութիւններուն կոչ ուղղեց խզելու Իսրայէլի հետ իրենց յարաբերութիւնները եւ շեշտեց ՄԱԿի մէջ Պաղեստինի անդամակցութիւնը աշխուժացնելու կարեւորութիւնը։

Միւս կողմէ, Յունուար 17ին յայտարարուեցաւ, որ ամերիկեան իշխանութիւնները որոշած են նախապէս խոստացուած 125 միլիոն տոլարին փոխարէն՝ միայն 60 միլիոն տոլար յատկացնել պաղեստինցի գաղթականներուն օժանդակութեամբ զբաղող ՄԱԿի մարմինին՝ ՈՒՆԵՐՈՒԱին, քայլ մը, որ խստօրէն դատապարտուեցաւ Պաղեստինեան իշխանութեան կողմէ։ ՄԱԿը եւս յոյժ մտահոգիչ համարեց այս քայլը, մինչ Իսրայէլ ողջունեց զայն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top