Առաջնորդ Մուշեղ Արք. Մարտիրոսեան Ընդունեց Քալիֆորնիոյ Փոխկառավարիչի Պաշտօնին Թեկնածու Էլենի Քունալաքիսի Այցը

0000Kounalakis2

 

0000Kounalakis2

ԼԱ ՔՐԵՍԵՆԹԱ.- Արեւմտեան թեմի առաջնորդ Մուշեղ արք. Մարտիրոսեան Երեքշաբթի, Յունուար 16ին, Ազգ. առաջնորդարանին մէջ ընդունեց այցելութիւնը ամերիկացի դիւանագէտ Էլենի Քունալաքիսի, որ յառաջիկայ Նոյեմբերի ընտրութիւններուն թեկնածու պիտի ներկայանայ Քալիֆորնիոյ փոխկառավարիչի պաշտօնին։ Քունալաքիս անցեալին վարած է Հունգարիոյ մօտ Միացեալ Նահանգներու դեսպանի պաշտօնը։

Դիւանագէտին կ՛ընկերանային Հայաստան Համահայկական հիմնադրամի Ամերիկայի Արեւմտեան շրջանի նախագահ Մարիա Մեհրանեան եւ ընտրապայքարի Հարաւային Քալիֆորնիոյ ելեւմտական պատասխանատուներէն Քրիսթինա Քեկէեան։

Փոխադարձ ծանօթացումէ ետք, առաջնորդ սրբազանը հիւր թեկնածուին ընդհանուր տեղեկութիւններ փոխանցեց Քալիֆորնիոյ ամերիկահայ համայնքին ու Ազգ. առաջնորդարանի առաքելութեան մասին։

Քունալաքիս, իր կարգին, տեղեկութիւններ հաղորդեց իր դիւանագիտական ասպարէզին, ինչպէս նաեւ Յոյն Ուղղափառ եկեղեցւոյ ճամբով իր հասարակական գործունէութեան մասին։

Սրբազանը գնահատաքով արտայայտուեցաւ Քունալաքիսի ծառայութիւններուն մասին եւ յաջողութիւն մաղթեց անոր յառաջիկայ աշխատանքներուն։

0000Kounalakis1

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Vic said:

    Too bad that our Srpazan wasted his time meeting with a candidate who has no chances of beating the competitors, especially Ed Hernandez.

*

Top